ЭЛДИК КАБАР: Ала-Бука районунун тургундары тоо кендери боюнча митингге чыгышты

Жалал-Абад облусунун Ала-Бука районундагы Өрүктү айыл өкмөтүнүн тургундары Соломо участкасында иштеп жаткан "KGM LTD" компаниясына каршы митингге чыгышты. Бул тууралуу бүгүн, 15-январда "Элдик кабар" рубрикасына окурман WhatsApp аркылуу кабарлады.

"Өрүктү айыл аймагынын Соломо участкасында "KGM LTD" ЖЧКсы 2010-жылдан бери алтын казуу боюнча өз ишмердүүлүгүн жүргүзүп келет. Ушул убакыт ичинде жергиликтүү тургундардын ой-пикирин эске албастан өзүм билемдик менен иш жүргүзүп келе жатат. Кээ бир инсандардын ишеничине кирип, айылдарды уруштуруп жибергенге чейин барган учурлар болгон. 2015-жылы 23-июнда түзүлгөн келишим боюнча бүгүнкү күнгө фирма 6 900 000 (алты миллион тогуз жүз миң) сом карыз экендигине карабастан, эл менен эсептешпей 2017-жылдын декабрь айында иш башташкан. Нааразы болгон жергиликтүү тургундар фирманын ишин токтотконго мажбур болушкан. Аз убакыттын ичинде бир нече жолу чогулуштар өтүп, карыздарын төлөө боюнча шарттар коюлган жана андан кийин жаңы келишимдин негизинде иш баштоо боюнча чечим кабыл алынган. Бирок карызды төлөөдөн качуу максатында жергиликтүү тургундарга, кеңештин айрым депутаттарына, айыл өкмөт башчысына, укук коргоо органдарына кайрылуу менен кысым көрсөтүү фактылары катталууда. Бул нерсе элдин кыжырлануусун кайра күчөтүп жатат. Буга байланыштуу жергиликтүү тургундар кезексиз митингге чыгып, Ала-Бука районунун акиминен мыйзам чегинде 1 жумалык мөөнөттө бул маселелерди чечип берүүнү суранууда", - дейт окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Нурсултан Нурболот уулу

15:22 15-01-2018

Жазылуу

РУБРИКАДАГЫ СОҢКУ КАБАРЛАР

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 34 0

10:50 2025-05-01 | Супер-Инфо

Француз десерти – профитроли 38 0

10:38 2025-05-01 | Түркүн дүйнө

Путин үч жылдан бери түнүнүн көбүн өткөргөн Кремлдеги батирин көрсөттү (видео) 267 0

10:15 2025-05-01 | Маданият, шоу-бизнес

"Оор жашоону көргөнбүз". Актёр Актан Рыскелдиевге жубайы унаа белек кылды (видео) 438 0

10:10 2025-05-01 | Супер-Инфо

Мамилени бекемдеген сүйүүнүн 5 тили 129 0

09:57 2025-05-01 | Түркүн дүйнө

Өзбекстанда электрондук тамекиге толугу менен тыюу салынды 181 0

Архив

Комментарийлер (2)

Too-tash

2018-01-15 16:14:12

Ачыгын айталы, менин ушуга чейин окуган-билген маалыматтарыма караганда, Ала-Буканын акиминде, анын артында тургандарда кеп бар...Эл митингге чыгып, акимге арызданабыз дейт... Эгер ошол "чырдын" артында аким, акимдин артындагылар турсачы, кен казгандарды "жен ичинен" колдоп, кокутуп, кенешин берип?!!..

Мен болгондо го, мындай кенди жаптырып, куноолуулорду таап, жазаламакмын.. Бирок Аша менен Сокенин Окмот, ЖК, губернатор, акимдери бут эле ууру-каракчылардан турат

Zainidin96

2018-01-16 00:14:47

Тура кылат бизде да Чаткалда ондогон компаниялар бар кобунчосун кытайлар иштетет пайдасы деле жок ал фирмалардын бизге. Мына азыр кар куну туну жаап жатат элди жудотуп жолду да норм суруп тазалап коюшпайт канчалаган тонна алтындарыбызды казып жаратылышыбызга зыян келтирип жатышат жаап салыш керек. Жайкысын сууга (дарыяга)кирине албайбыз цианит кошушат коптогон жаш балдар ооруп больницага кайрылгандар коп болот жабыш керек колдон келсе тура кылышат Ала-Букалыктар

Комментарий калтыруу үчүн өз ысымыңыз менен кириңиз же каттоодон өтүңүз.