Бишкекте жетим балдар үчүн курулуучу социалдык мейманкананын пайдубалына капсула салуу аземи болду

Жетим балдар үчүн курулуучу социалдык үйдүн пайдубалына капсула салуу аземи

Социалдык үйдүн пайдубалына капсула салуу иш-чарасы

Иш-чарага мэр Иса Өмүркулов катышты

Социалдык үйдүн пайдубалына капсула салуу иш-чарасы

Курулуш иштерине мэр Иса Өмүркулов кол тийгизди

Иш-чаранын жүрүшү

Иш-чарага Италиянын ардактуу консулу Джорджио Фиаккони, “Ротари клуб” колдоо бирикмесинин президенти Назира Бейшеналиева катышты

Социалдык үйдүн курулушу

Бүгүн, 22-июнда Бишкек шаардык мэриясынын Кароосуз балдарды реабилитациялоо борборунун базасындагы жетим балдар үчүн курулуучу социалдык мейманкананын пайдубалына капсула салуу иш-чарасы болуп өттү. Бул тууралуу шаардык мэриянын басма сөз кызматы билдирди. Маалыматка ылайык, татаал жашоого кабылгандар үчүн атайын курулуп жаткан мындай мейманкана Кыргызстанда алгачкы ирет түптөлүүдө. Аталган иш-чарага мэр Иса Өмүркулов, Италиянын ардактуу консулу Жорджио Фиаккони, “Ротари клуб” колдоо бирикмесинин президенти Назира Бейшеналиева жана башкалар катышты. Өз сөзүндө шаар бышчы келекчекте курулуп жаткан социалдык үй кароосуз калган жаш улан-кыздарга убактылуу болсо да жардам берерин айтты. Ошондой эле ал аталган ишке каржылык колдоо көрсөткөн Норвегия өкмөтүнө жана “Ротари клуб” бирикмесине ыраазычылык билдирди. Өз кезегинде Жорджио Фиаккони аталган долбоорду ишке ашыруу кызматташтыктын башталышы гана экенин белгиледи. Кошумчалай кетсек, курулуп жаткан 2 кабат социалдык мейманкана 26 бөлмөдөн турмакчы.

Автор: Ширин Турдакунова