Алмазбек Атамбаев АКШнын Транзиттик борборун өлкөдөн чыгарууга багытталган мыйзамга кол койду

Бүгүн, 26-июнда президент Алмазбек Атамбаев “Манас” аба майданындагы АКШнын Транзиттик жүк ташуу борбору боюнча макулдашууну денонсациялоо жөнүндөгү мыйзамга кол койду. Мыйзамга ылайык, өлкөнүн Тышкы иштер министрлиги 2014-жылдын 11-июлуна чейин АКШ өкмөтүнө келишимдин жокко чыгарылгандыгы тууралуу билдирүү жөнөтүүсү зарыл. Аталган мыйзам Жогорку Кеңеш тарабынан 2013-жылдын 20-июнунда кабыл алынган. Эске салсак, “Манас” аэропортундагы Транзиттик борбор тууралуу жана ага байланышкан кандайдыр бир мекемелер жана кыймылсыз мүлктүн түрлөрү жөнүндөгү кыргыз өкмөтү менен АКШ өкмөтүнүн ортосундагы макулдашууга 2009-жылы 22-июнда кол коюлган. Бул макулдашууну денонсациялоо боюнча мыйзам долбоорун өкмөт парламентке бир ай мурун жөнөткөн болчу. Мыйзам расмий жарыяланган күндөн тартып күчүнө кирет.

Автор: Ширин Турдакунова