Заманбап Бишкектин эски мектептери

Бул мектептин тосмосу. Мектеп өзү араң турганда буларды оңдоону азырынча эч ким ойлоно электей

№44-мектептеги бул класс жаңы эле оңдоодон өтүптүр

Мектептин терезелери да оор абалда

Минтип чатырдан суу дагы тамчылайт экен

Мектеп өкүлдөрү, мэр жана Ленин райондук администрациясынын өкүлү

Кыргызстандын борборундагы айрым мектептер ушундай абалда

№44-мектептин дагы бир классы

Бул классты оңдоо үчүн бардык буюм-тайымдарды алып чыгып салышкандыгы белгилүү болду

Мэр мектептин ичиндеги кооптуу абалды өз көзү менен көрдү

№44-мектептин да эскилиги жеткенин сыртынан эле байкоого болот

Бишкектеги №44-мектептин сырткы көрүнүшү

Бул жерде башталгыч класстын окуучулары билим алышат

№25-мектептин ичиндеги абал

Мектеп көйгөйүн сүйлөшкөн мэр жана №25-мектептин өкүлдөрү

Дубалдардан да жарака кетип, айрым жерлери урай баштагандыгын көрүүгө болот

Көп жылдан бери алмаштырыла элек пол чирип калган

№25-мектептин ичиндеги абал

Бишкектеги №25-мектептин эскилиги жеткени сырттан эле көрүнүп турат

Бүгүн, 9-июлда Бишкек шаарынын мэри Иса Өмүркулов авариялык абалдагы №25-№44-мектептердин абалы менен таанышып чыкты. Аталган мектептер көп жылдан бери капиталдык оңдоодон өтпөгөндүктөн, чатырлары урап түшүп, полдору эскирип, окуучулар үчүн кооптуу абал жаралган. Имараттар менен таанышып чыккан мэр: “Абал кооптуу экен, муну ушул боюнча калтырууга мүмкүн эмес. Биздин келечегибиз болгон балдардын коопсуздугун камсыз кылуубуз керек. Ошондуктан тиешелүү өкүлдөрдү чакырып, эртең саат 09:00дө чогулуш өткөрүп, мектептердин абалын текшерүүчү топ түзүлөт. Бул мектептерди оңдоого болобу же жаңы мектеп салыш керекпи, ошол комиссия аныктаган соң тиешелүү чараларды көрөбүз”,- деди.

Автор: Ширин Жумадилова
Фото: Ширин Жумадилова