Ошто көп кабаттуу үйлөрдүн биринен 20 жаштагы кыз кулап кетип, каза болду

Ош шаарында көп кабаттуу үйлөрдүн биринен 20 жаштагы кыз кулап кетип, каза болду. Бул тууралуу Ош ШИИБинин басма сөз кызматынан билдиришти.

Маалыматка ылайык, окуя 6-декабрь күнү болгон. Анда Ош шаарындагы Монуев көчөсүндө жайгашкан көп кабаттуу үйлөрдүн 5-кабатынан 20 жаштагы кыз кокустан кулап кеткен.

"Тез жардам" кызматы кызды Ош облустар аралык ооруканасына алып барышкан. Тилекке каршы, кыз 1 сааттан кийин каза болуп калган. Учурда кыздын ата-энеси жана жакындары суралууда. Бул факты Кылмыштардын жана жоруктардын бирдиктүү реестрине "кокустук" деп катталган. Териштирүү иштери жүрүүдө", - деп билдирет басма сөз кызматынан.

Автор: Айсалкын Качкынбекова