Бишкектин люктары ачык калды. "Бир жылда 800 люк уурдалды" дейт мэриядан

2019-жылдын эсебинен 800 люк уурдалды. Бул тууралуу Бишкек мэриясынын басма сөз кызматынан билдиришти.

"Акыркы жылы Бишкекте 800 люк жана жаан өткөрүүчү темир торчолор уурдалды. Мурун жол четиндегилерди алып кетишсе, азыр жаңы конуштардан, борбордук көчөлөрдөн темир торчолорду уурдап жатышат. Бишкек мэриясынын капиталдык курулуш башкармалыгы буга чейин укук коргоо органдарына бир нече ирет кайрылган. Азыркы күнгө чейин бир дагы люк табылып же кылмышка шектүүлөр кармалган эмес.

Боталиев көчөсүндө темир тор уурдалып, оозу ачылып калган люкка 2-класстын окуучусу түшүп кетип, жаракат алган. Күбө болгон тургун дароо милицияга арыз менен кайрылып, өзү да иликтөө иштерин жүргүзүп баштаган. Кошунасынын видеокамерасына түшүп калган видеодон ал такси кызматын көрсөткөн унаадан эки киши түшүп, торчону унаасына салып кеткендигин көргөн. Аталган окуя 12-ноябрда болгон. Ошондон бери жыйынтык чыга элек. Жоголгон люктун капкактары, темир торчолорду мындан ары мамлекеттин бюджеттен калыбына келтирүүгө туура келет. Сураныч, шаар тургундары, люктарды уурдабагыла! Жабырлануучулардын ордунда сиздер деле болуп калышыңыздар мүмкүн!", - деп жазылат билдирүүдө.

Автор: Гүлжамал Абылкасымова

20:18 16-12-2019

Жазылуу

РУБРИКАДАГЫ СОҢКУ КАБАРЛАР

20:44 2026-06-29 | Бизнес-Инфо

КЫРГЫЗ ТУР 2026 Бишкектеги финалы: сүйүктүү ырчылар, жандуу атмосфера жана BAKAI'дан акысыз билеттер 8 0

20:34 2026-06-29 | Коом жана турмуш

Дубайда Хамзанын үй-бүлөсү менен маек 69 0

20:19 2026-06-29 | Коом жана турмуш

ИИМ Antares Trade иши боюнча социалдык тармактагы билдирүүлөргө түшүндүрмө берди 88 0

19:58 2026-06-29 | Коом жана турмуш

Жогорку Кеңеш ЕККУ менен кызматташууну кеңейтүүдө 74 0

19:43 2026-06-29 | Коом жана турмуш

Бишкекте катуу шамалдан улам аянттагы туу убактылуу ылдый түшүрүлдү 141 0

19:28 2026-06-29 | Коом жана турмуш

Кыргызстан менен Пакистан инвестициялык кызматташууну кеңейтүүдө 135 0

Архив

Комментарийлер (8)

aza84

2019-12-16 20:32:48

Ак оргодо практический барын урдап кеткен ким урдаса дагы жакшылык корбосун

Jelezo

2019-12-16 20:50:27

Пластмасадан жасалган люктарды койгула ошондо урдабай калат

keku00

2019-12-16 20:56:14

Ууруну табыша алышпаса биздин МВД эмне иш кылып жатышат, тушунуксуз?! Темир эритуучу цехтерди издешсин, же темир ташыган грузовиктерди томожнядан текшеришсин. Элементарный нерселерди жасашышпайт, тообо. Жеген нанынарды дагы актап жегиле ГУВДда иштеген балдар.

take1984

2019-12-16 21:20:45

милиция жана элге ар бирине 20000 сом беребиз десе тез эле таап келишет эле

Kuba-savai87

2019-12-16 22:06:52

Темир алгандарды алба деш керек сындырып тапшырышат да сыныгын дагы алба деш керек адамдарга ынсап берсин

Kyrgyz_bloger

2019-12-16 22:17:49

Бизде жонокой элден баштап ак уйдогулорго чейин бут ууру,элге жараша бийлик да,анан да улуу элбиз,айкол элбиз деп коебуз азыр акча учун баарына даяр эл болуп калдык,жолдогу бир адамдарга зыян берчу нерсени четке алып койсон сенде ыймандын эн томонку тепкичи да болсо бар болот,бирок минтип элге зыян бергендер силер онолбосонор акыретинер оор болот.

chake

2019-12-17 09:35:01

Кыргыздын душманы кыргыз бомждан баштап элитасына чейин уурдайт

Abdizhapar

2019-12-17 17:06:00

Бомждар уурдап саткан да арака бирок ошону коруп билип алган темир пуруштар акмак эшек

Комментарий калтыруу үчүн өз ысымыңыз менен кириңиз же каттоодон өтүңүз.