Бишкектеги коомдук транспортторго электрондук билеттер кийинки аптадан тартып сатыла баштайт

Бишкектеги коомдук транспортторго электрондук билеттер кийинки аптадан тартып сатыла баштайт. Бул тууралуу мэриядан маалым болду.

Кийинки аптада системди текшерүү үчүн 2 миң даана билеттер таратылат. Алар адегенде тексттик режимде иштейт.

Буга чейин Бишкекте коомдук унаада жүрүү үчүн электрондук билеттерди колдонуу 2020-жылдан баштап жүргүзүлө баштай турганы маалымдалган.

"Коомдук транспорттогу электрондук билет” системин ишке киргизүү боюнча тендерди Швейцариянын "BPC" компаниясы утуп алган. Анын алкагында банктык эмес төлөм карталарынын үч түрү чыгарылат. Алар: 1.Унаада акысыз жүрүү үчүн карталар категориясы; 2.Окуучулар үчүн жеңилдетилген карта; 3.Кадимки жеңилдиктери жок төлөм карталары. Бул карталар бири-биринен аталышы жана дизайны менен айырмаланып турат. Ошентип пенсионерлер үчүн атайын жеңилдетилген категориядагы карталар чыгарылат. Компания социалдык фондко сурам жөнөтүп, пенсионерлердин жана жеңилдетилген категория берилчү адамдардын маалыматын тактоодо”, - дешкен мэриядан.

Автор: Кызжибек Раимова