Балатынын айланасында селфи кылган жаштар... Караколдо Жаңы жыл кандай өттү?

Ысык-Көлдүн тургундары үчүн Жаңы жылдык салтанат 31-декабрда саат 15:00дө башталды. Концерттик иш-чара жергиликтүү таланттардын катышуусунда өткөнүн Каракол шаардык мэриясынын басма сөз кызматынан билдиришти.

"Шаар тургундары жана меймандары үчүн саат 15:00дөн баштап 17:00гө чейин оюн-зоок болду. Саат 19:00гө чейин ыр, бий менен коштолгон концерт болду. Жаңы жылдык иш-чаранын расмий бөлүгү саат 22:30да башталды. Ага өкмөттүн ыйгарым укуктуу өкүлү Акылбек Осмоналиев, шаар мэри Адыл Каниметов жана Каракол шаардык кеңешинин төрагасы Эрлан Айсаракунов катышып, куттуктоо сөздөрүн айтышты. Расмий иш-чара фейерверк атуу менен жыйынтыкталды", - деди маалымат кызматынан.

Мэриянын маалымат кызматынан майрамга 10 миңге чукул адам келгенин кошумчалады.