Ала-Бел ашуусунда 4 жүк ташуучу унаа жолдо тыгылып калган

Бишкек-Ош унаа жолундагы Ала-Бел ашуусунда 4 оор жүк ташуучу унаа жол четине чыгып, тыгылып калган. Кырсык болгон жерге 2 куткаруучу КамАЗ унаасы менен барып, тыгылып калган унааларды чыгарууга жардам беришкен. Бул тууралуу ӨКМнын басма сөз кызматынан билдиришти.

Ошондой эле Бишкек-Нарын-Торугарт айланма унаа жолунун 65-чакырымында Hyundai Avante үлгүсүндөгү унаанын айдоочусу рулду башкара албай, жолдон чыгып кеткен. Окуя болгон жерге 3 куткаруучу тартылып, унааны жолго сүйрөп чыгарышкан. Жабыркагандар жок.

Бишкек-Ош унаа жолунун 145-чакырымында 1 оор жүк ташуучу унаа жолдо тыгылып калган. Аталган жерге ӨКМнын куткаруучулары Урал унаасы менен барып, тыгылып калган унааны чыгарып беришкен.

Автор: Айсалкын Качкынбекова