2019-жылдын жыйынтыгы боюнча Бирдиктүү салык декларациясын кабыл алуу башталды

2019-жылдын жыйынтыгы боюнча Бирдиктүү салык декларациясын кабыл алуу боюнча компания старт алды. Бул тууралуу Мамлекеттик салык кызматынан билдиришти.

Анда декларациялык компания 2 этап менен өтөрү белгиленди.

“Биринчи этабы 2020-жылдын 1-мартына чейин юридикалык жактар үчүн жүрсө, экинчи этап 1-апрелге чейин жеке жактар үчүн жүргүзүлөт. Жарандар өткөн жылы алынган кирешелер же жер участоктору, мүлк обьектилери, экономикалык ишмердиктери жөнүндө салык органдарына отчет берүүлөрү керек”, - деп айтылат маалыматта.

Толук маалыматты жергиликтүү салык органдарынан, ошондой эле 1240 номурунан же www.sti.gov.kg сайтынан алууга болот.

Автор: Бактыгүл Султаналиева