ИИМдин "Шумкар" атайын багыттагы полкуна 6 жыл толду

ИИМдин "Шумкар" атайын багыттагы полкуна 6 жыл толду. Бул тууралуу атайын багыттагы полкунун басма сөз кызматкери Адила Тыналиева билдирди.

Маалыматка ылайык, "Шумкар" атайын багыттагы полку 2014-жылдын 17-январында түзүлгөн. Бул кызматка өлкө аймагында өтө турган ар кандай иш-чараларда, салтанаттуу майрамдарда, саясий кырдаалдарда жарандардын коопсуздугун жана коомдук тартипти сактоо өңдүү олуттуу милдеттер жүктөлгөн. Атайын багыттагы полк ар кандай кырдаалдарда күтүлбөгөн тапшырмаларды ыкчам, жогорку деңгээлде аткарышат.

Салтанаттуу иш-чарада жарандардын коопсуздугун камсыздоодо, кылмыштуулукка жана террорчулукка каршы күрөшүүдө өмүрүн тобокелге салып, кызмат учурунда курман болгон кызматкерлер эскерилди. Ошондой эле бир катар кызматкерлер медалдар жана Ардак грамоталар менен сыйланышты.

Автор: Айсалкын Качкынбекова