Өзгөрүү чагылгандай тездикте! Коронавирустан каза болгондор катталган алдыңкы 10 өлкө (27-мартка карата)

Бүгүн, 27-март саат 13:00гө карата коронавирустан каза болгондор катталган алдыңкы 10 өлкөнүн тизмеси төмөндөгүчө:

1. Италия - 8215 (17-мартта 2158, 9-мартта 366)
2. Испания - 4365 (17-мартта 342, 9-мартта 17)
3. Кытай - 3291 (17-мартта 3230, 9-мартта 3123)
4. Иран - 2234 (17-мартта 853, 9-мартта 194)
5. Франция - 1696 (17-мартта 148, 9-мартта 19)
6. АКШ - 1296 (17-мартта 85, 9-мартта 21)
7. Улуу Британия - 578 (17-мартта 56, 9-мартта 55)
8. Нидерланддар - 434 (17-мартта 24, 9-мартта 3)
9. Германия - 267 (17-мартта 17, 9-мартта каза болгондор каттала элек болчу)
10. Бельгия - 220 (17-мартта 10, 9-мартта каза болгондор каттала элек болчу)

Дүйнөдө коронавирустан улам каза болгондордун жалпы саны - 24 миң 77 адам. 9-мартта бул көрсөткүч 3 миң 825 киши, 17-мартта 7 миң 155 адам эле.

9-мартта да, 17-мартта да алдыңкы үчтүктө Кытай, Италия, Иран болчу. Акыркы 10 күндүн ичинде абал чукул өзгөрүп, 1-орунга Италия, 2-орунга үчтүктө жок болгон Испания чыгып, ал эми илдет башталгандан тарта алдыңкы саптан түшпөгөн Кытай 3-орунду ээледи.

17-марттагы ондуктан Түштүк Корея менен Япония сүрүлүп чыгып, алардын ордун Германия менен Бельгия алды.

Жогорудагы маалымат АКШдагы Жон Хопкинс атындагы университеттин сайтынан алынды. Аталган булак Саламаттыкты сактоо боюнча дүйнөлүк уюм, коронавирус катталган өлкөлөрдүн саламаттыкты сактоо министрликтери берген маалыматка таянып, сутка ичинде бир канча ирет жаңылоо менен вирустун тарашы боюнча статистиканы көзөмөл кылып жатат.