"Элдин көп топтолгон санын канчалык чектейин десек дагы алар укпай жатышат". Көлдө митинг уюштурган айыл толук изоляцияга алынды

Ысык-Көл облусунун Түп районундагы Ысык-Көл айылынын тургундары "Маяк" деген саламаттыкты сактоо жана билим берүү борборуна обсервация уюштурулушуна каршы митингге чыкканын жергиликтүү жашоочу билдирген. Ал эми аталган окуя тууралуу SUPER.KG порталына Өкмөттүн Ысык-Көл облусундагы ыйгарым укуктуу өкүлүнүн басма сөз катчысы Жаныбек Кожобеков төмөнкүлөрдү айтып берди.

Айтымында, эл кырдаалды толук түшүнбөй, кээ бир козуткан кептерге берилип жатат. "Түп районунун Ысык-Көл айыл өкмөтүндөгү Ысык-Көл айылына обсервация уюштурулушуна эл каршы чыгып жатат. Ал жерде "Маяк" деген балдардын саламаттыгын сактоо жана билим берүү борбору бар. Аймактагы 4 жерге жергиликтүү, райондук штаб обсервация уюштурушкан. Бул Талды-Суу айылын, Түп райондук аймактык ооруканасын, Түп шаарындагы лицей жана "Маяк" борборун обсервация деп кабыл алышкан. Балким, жергиликтүү калк кандайдыр бир чагымчылдардын сөзүнө кирип же болбосо ушак сөздөргө берилип жатабы? Алар биздин айылга инфекция менен ооруган адамдарды алып келет экен деген туура эмес түшүнүктө болуп жатышат.

Мындан улам тургундар оорулуу адамдар келсе, биз дагы ооруп калабыз деп чочулап жатышканы жалган эмес. Негизи обсервациянын максаты - бул коронавируска чалдыккандардын шектүүлөрүн эле обсервацияга алышат. Эгер ал жаран коронавирус менен ооруганы аныкталса, аны Түп районундагы жугуштуу оорулар боюнча ооруканасына алып кетишет. Облуста эки кишиден вирус аныкталды. Ошондуктан биздин ыкчам штаб ал жерге анализ алганы "Тез жардам" унаасы менен барганда, элдер айылга киргизбей коюшкан. Митинг болгонун канчалык чектейин десек дагы эл укпай жатканына байланыштуу облустук штабдын чечими менен жалпы бир айылды карантиндик зона деп белгилөө чечими кабыл алынды. Анткени акция учурунда баары бири-бири менен жакын болгон. Ал топтолгондордун арасында 8 чет өлкөлүк бар экен. Кээ бирөө эмгек миграциясында жүргөн болсо, кай бири окугандар.

Тегерек четте азыркы учурда Өзгөчө кырдаалдар министрлигинин кызматкерлери дезинфекция иштерин жүргүзүп жатышат. Андан сырткары обсервация боло турчу жатакана дагы дезинфекцияланып, бир канча медицина кызматкерлери эмгектенишүүдө. Бул жерде тургундар ушактарга берилип жатат. Азыр эле жалпы айыл карантинге алынышы керектиги тууралуу айтылды, себеби баары бири-бири менен байланышып калышкан", - деди маалымат катчы.

Кечээ, 31-мартта Ысык-Көл облусунан 2 адамдын коронавирус жуктурганы маалым болгон.

Автор: Гүлшат Ысамамат кызы
Фото: Жаныбек Кожобеков

14:33 01-04-2020

Жазылуу

Тектеш кабарлар:

Жарандык авиация агенттигинин директору: "Египетте калган жарандардын маселеси чечилди. Алар 2 күндүн ичинде өлкөгө алып келинет"

Бир суткада 287 адам коронавирус илдетинен сакайып чыкты

82 укук коргоо кызматкери коронавирус жуктуруп алса, 33ү айыгып чыккан

Рэп аткаруучусу Баястан өзү туулган Балыкчы шаарына 800 доллар өлчөмүндөгү акчалай жардам көрсөттү

Элдик жардам штабы муктаждарга даректүү тамак-аш жеткирүү жана таратуу боюнча ыктыярчылар үчүн кыска курстарды өткөрөт

Саламаттыкты сактоо министри коронавирус обсервацияда жана үй карантининде жаткандардын арасынан чыгып жатканын айтты

АКШ сутка ичинде коронавирустан каза болгондордун саны боюнча бүгүн дагы рекорд койду

Республикалык штаб коронавирус жуктуруп алганга шектенген учурда кандай эрежелерди аткаруу керектигин жарыялады

25-майдан тартып коомдук транспорттор жана кийим-кече саткан ири базарлардын иштөөсүнө уруксат берилет

Нарында 1-класстын окуучуларына бет каптар акысыз таратылат

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (10)

kechirmeni

2020-04-01 14:39:45

Озунорго озунор кылдынар,кысып уйдо отурбай

+12

Samatalibei

2020-04-01 14:45:47

Сабыр кылуу керек эле! Бийлик сактануунун чарасын көрүп жатса, айылдагыларга атайын алып келип вирус жуктурмак беле? Көчөгө чыгып оруну женчү болсок баарыбыз эле чыгып албай белек. Чагымчылдар ушундайда жөн эле отурса болмок!!!

+10

Omar.

2020-04-01 14:46:17

Көлдүк туугандар митинг десе ичкен ашты жерге таштай салчу болдуңар го акыркы күндөрү. Эртерээк бул күндөрдөн чыгууну ойлосоңор.

+10

Baktyluumun98

2020-04-01 15:17:41

Omar.,дагы качан митингге чыктык? Тимэле ичкен ашты жерге таштай салчуу болдунар деп..., биз эч качан башкаларга окшоп митингге чыкпайбыз. Биз чыкканда башкача болот. Бул жон эле, эл катары.

-5

Farra16gsin

2020-04-01 15:01:48

Жаман көрбөгүлө туугандар түндүк кореянын президенти вирус чыккан адамдарды эмне кылды көрдүңөрбү балким бизгеда ошондой керек болуп жүрбөсүн

Aktan2018

2020-04-01 17:13:36

Farra16gsin,тундук кореяда саат 08 00 до бир адам 08 02 де 0 адам

emirchik

2020-04-01 15:18:36

Колдук Туугандар Вирус жугузуп алуудан абайлагыла Чогулбагыла деген создук уксанар кандай коркунучтуу оруу экенин тушунсонор боло Уйдо бала чаканар менен тынч отургыла

titanik32

2020-04-01 15:30:38

Эй Көлдүк туугандар,заман ушундай болуп жатканда көчукту кысып көп топтолбой митинг кылбай эле турбайсыңарбы.Ошол жердеки имаратты концервация кылса өзүңөрдүн эле жакын тууганынар жатат го даарыланып.Чымындан пил жаратып эмне кереги бар.Негизи ошол топтолгон жерге бир эки коронавирус кишиден киргизип жибериш керек эле да,анан көрөт элем элдин топтолгонун.Ошондуктан азыркы кырдаалга жараша түшүнүп иш кылсаңар деп айтып кетем.

Arstan18.18

2020-04-01 15:39:35

Кычаган эл болдукго, же жашы улуусу же жаштары,же аялы эркеги ойлонбой! Аэропортто бир дурбодунор Эми айылда отуруп дуйно жузу коркуп кудай сакта деп отурган жеринде жылбай отурат. Биз эле ушу кыргыз элем ажылдап ызылдап олдукго

xnurgul_gul

2020-04-01 23:03:43

Комиссия тузуп эскертуу бериш керек, мыйзамга баш ийбесе татыратып салыш керек. Кыргыздар бир мал эле калк болдукго

Комментарий калтыруу үчүн өз ысымыңыз менен кириңиз же каттоодон өтүңүз.