"Тамакка үнөм болсун деп бир маал атала жасап жатабыз". 7 баласы менен үйдө отурган ата-эне карантиндеги абалы тууралуу айтып беришти

Коронавирустун кесепетинен улам өлкөнүн ар кайсы аймактарындагы аз камсыз болгон жарандар, көп балалуу жана социалдык жардамга муктаж болгон адамдар азык-түлүк тартыштыгы болуп жатканын айтышууда. Кайрымдуу адамдар, ишкерлер, социалдык камсыздоо жайлары жардам көрсөтүп жатышканы менен баарына жетиштүү эмес.

Күнүмдүк жумушта иштеп үй-бүлөсүн камсыз кылган ата-эне 7 баласы бар экенин айтат. Жардамга муктаж болгон үй-бүлө Бишкек шаарындагы Ак-Босого жаңы конушунда жашайт.

"Жолдошум экөөбүздүн 7 балабыз бар. Алардын бешөө мектепте окушат, экөө кичинекей. Бала бакчага киргизгенге мүмкүнчүлүк болбогондуктан, эки баламды өзүм карайм. Жолдошум тигүүчү цехтердин биринде бычмачы болуп иштейт. Үй-бүлөнү камсыз кылган - атабыз.

Вирустан улам карантин жарыяланып кетет деп ойлогон эмеспиз. Карантин жарыяланганда 6 миң сом акчабыз бар болчу. Ошол акчага эң керектүү делинген азыктарды алдык. Акчабыздын көбү эле унга кетти, биринчи сорттогу ундун баасы 1 миң 750 сом болуп кетиптир. Биринчи сорттогу ун бат эле түгөнүп калат деп 2-сорттогу унду (1 миң 200 сом) алып, экөөнү аралаштырып нан жасап жатабыз. Эртең мененкисин балдарга илгеркидей эле атала жасап берип баштадым, үнөм болсун деп. Кечинде тамак жасайын десем пияз түгөнүп калыптыр, аны билгизбей тамак жасадык. 2-3 күндөн кийин азык-түлүгүбүз түгөнөт, ошондо эмне жейбиз деп коркуп жатам. Карантин дагы узарып кетет окшойт.

Негизи баллонго газ толтуруп келип тамак-ашыбызды бышырып алчубуз. Газ түгөнүп калып короодогу чырпыктарды чогултуп, очокко тамак бышырып жатабыз. Коммуналдык төлөмдөр (электр жарыгы, суу, таштанды) үчүн кызмат акыларынын дүмүрчөгү келди. Бирок төлөгөнгө шартыбыз жок, электр жарыгын өчүрсө деле айлабыз жок. 6 балама жөлөк пул берилет. Эгер ошол акча убагында берилсе, коммуналдык кызматтардын акысын төлөйбүз.

Карантиндин биринчи аптасында анча-мынча кем-карчыбызды дүкөндөн карызга жаздырып алып жатканбыз. Туугандардан карыз акча сураганбыз, бирок баарында жок экен. Социалдык жардам болобу деп айыл өкмөтүнө кайрылдым, ал жактан социалдык коргоо фондуна байланыш дешти. Азырынча эки жактан тең жардам жок экенин айтышты. Кыскасы, айла жоктун иши болуп жатат", - дейт үйдүн кожойкеси.

Жардам берүүнү каалагандар 0772 169-144 (ЭЛСОМ) номери аркылуу байланышса болот.

Автор: Бактыгүл Момбекова

15:16 01-04-2020

Жазылуу

Тектеш кабарлар:

Бабанов дарыгерлерди жана пенсионерлерди колдоо үчүн 5 миллион сом бөлүп берет

Коңшу мамлекеттерде эпидемиологиялык абал кандай? Казакстанда 610, Өзбекстанда 218, Тажикстанда 42 адамдан коронавирус аныкталды

Оштогу эс алуу үйүндө Пакистан, Индиядан келген чет элдик жарандар санитардык нормаларды бузуп жатышканы айтылды

Норвегияда коронавируска каршы Pfizer вакцинасынын эмдөөсүнөн кийин 23 адам каза болду

УКМК: "Жалган маалымат тараткандар кылмыш-жаза жоопкерчилигине тартылат"

Депутат Сулайманов: "Декабрь айынын аягында мен умрага баргам, сурооңор болсо бергиле"

"Ухан вирусу": Коронавирустан айыккандардын саны 3 миллиондон ашты

"Ухан вирусу": Дүйнөдө коронавирустан акыркы бир сутка ичинде 7 миңден ашык адам каза болду

Өзбекстанда сутка ичинде 487 адам COVID-19 инфекциясына кабылды

Акыркы суткада коронавируска каршы вакцина алгандар тууралуу маалымат

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1485 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 153 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 893 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2351 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 962 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 978 0

Архив

Комментарийлер (10)

katerina.li

2020-04-01 15:19:01

55 млн сомду неге басып алып кармап жатышат??

tavanova.sarah

2020-04-01 15:24:37

Чач алып же не кылышын билбеген артистер, ушуга окшогондорду челендж кылышпайбы? Канча кундон бери интернетте жардам сурап журот..

+10

Aimani

2020-04-01 17:00:13

Аталаны кантип, эмнеден жасайт?

xnurgul_gul

2020-04-01 23:00:54

Aimani,ун менен сары май Суудан жасайт

Ma9

2020-04-01 17:36:07

Жардам берилип жатат деп эле чон иште иштегендердин туугандарына кетип атат

Gospozhatsetok

2020-04-01 17:58:30

Карантин башталган кундон тарта ар жактан жардам сурап конуп калган биздин чон болмуштар Ушундай муктаждарга бербей как всегда оздорун ойлошот биринчи, буткул кыргыз эли ач калса да,булар ач калбайт. Сырттан келген жардамдын баарын басып алып жатышат да уятсыздар

ika8086

2020-04-01 19:48:40

шаарга жакындар эптеп оокатын жакынкы жердеги дукондордон алат бизге окшоп тоодо жашагандарга кыйын.Шаарга базарга эки сааттык жол менен айылдык машиналар менен барат элек.16сынан бери топтогон оокаттарыбыз тугонду балдар обедте анан кечинде эмне жейбиз деген учуру.Жанын кашайып продукта тугонду,тоолуу аймактарга жардам иретинде ун май жеткирип койсонор тоолуктар суйунуп калмак.

rususu

2020-04-02 12:57:24

Жардам беришпесе,топтолгон миллиондорду бекитишсе,чыгыш керек,топтолуп!

Gema

2020-04-02 13:49:57

Эмнеге 7 бала торойсунор

-1

Kitep

2020-04-02 14:26:58

Gema,7 бала торогонуно Рахмат айт,кыргыздын санын кобойтуп жатат.
Балалуу уй базар,баласыз уй мазар.макал.

Комментарий калтыруу үчүн өз ысымыңыз менен кириңиз же каттоодон өтүңүз.