Обсервацияда жаткан жарандарга 3 маал ысык тамак берилип жатат. Өзгөчө кырдаалдар министрлигинин сутка ичиндеги иштери тууралуу маалымат

Өзгөчө кырдаалдар министри Замирбек Аскаровдун тапшырмасынын негизинде коронавирус илдетинин жайылып кетүүсүнүн алдын алуу максатында өткөн сутка ичинде ӨКМ тарабынан аткарылган иштер боюнча кыскача маалымат:

3-апрель күнү өлкө боюнча 1 миллион 364 миң 644 метр унаа жолдору дезинфекцияланды;

ӨКМ тарабынан жалпысынан 12 миң 77 орундук даярдалган;

Обсервацияда жайгаштырылган жарандарга 3 маал ысык тамак-аш берилип жатат;

Өлкө боюнча санитардык-карантиндик жана блокпостторго ӨКМ тарабынан 120 даана чатыр жана 56 мобилдик турак үй орноштурулган;

112 ыкчам номуруна өткөн сутка ичинде жалпы 8 миң 220 чалуулар түшкөн, анын ичинен коронавирус боюнча 972 чалуу, ал эми 3 миң 569 максатсыз чалуулар;

Өзбекстан тарабынан жөнөтүлгөн гуманитардык жардам (ун жана медициналык каражаттар) ӨКМ тарабынан кампаларга жеткирилди;

Жогорку Кеңештин депутаты Алтынбек Сулайманов тарабынан берилген миң даана коргоочу костюмдар (L1) кабыл алынып, региондорго жеткирилүүдө. Аталган коргоочу костюмдар республиканын аймагындагы санитардык-карантиндик посттордо иштеп жаткан ӨКМнын, ИИМдин жана медицина кызматкерлерине таратылат;

Өзгөчө кырдаалдар министрлиги тарабынан 324 куткаруучу жана 96 унаа тартылган.

Бүгүн, 4-апрелге карата Кыргыз өлкөсүндө коронавирус менен ооругандардын жалпы саны 144кө жетти.

Автор: Азат Бейшенбеков