"Кан жөтөлүп, сүйлөй албай калгандары бар". Аида Касымалиева Ош шаарында коронавируска чалдыккан дарыгерлердин абалы тууралуу билдирди

Жогорку Кеңештин вице-спикери Аида Касымалиева Ош шаарында коронавируска чалдыккан дарыгерлер менен телефон аркылуу сүйлөшүп, алардын өздөрүнөн маалымат алды.

Эл өкүлү тиркемелердин бири аркылуу алардын арыз муңун укканын SUPER.KG порталына тастыктады жана бул тууралуу ал социалдык тармактагы жеке баракчасына жазып чыкты.

"Абалдары күндөн күнгө начарлап, баары эле кошумча дем алдыруучу аппаратта. Кан аралаш жөтөлгөндөр, сүйлөй албай калгандары бар. Мени менен сүйлөшүп жатып да, аба жетпей, сүйлөй албай калып жатышты. Ыйлагың келет! "Бизди акчасы да, эч нерсеси кызыктырбайт, тирүү калсак деп жатабыз. Биздин атыбызды, аброюбузду коргоп бергиле!" - деп ыйлашты. Баары эле өмүр бою иштеген дарыгерлер", - деп жазган Касымалиева.

Ошондой эле ал Саламаттыкты сактоо министрлигинен ушундай оор кырдаалда так иштеп берүүсүн өтүнгөн.

"Биринчи күндөрү жетекчилик аларды умрадан келгендерден анализ алууга жөнөткөн, ал жерде атайын форма менен болгон күндө да, кийин ординатордук бөлүмдө чогуу тамактанып, маршруткаларда чогуу жүрүшөт.

Алар азыр өлүм менен күрөшүп жатканда, Саламаттыкты сактоо министрлигинин "алар ажы тойго барган" деген маалыматты тараткан аткаминерлери жазасын алууга тийиш. Бул маселе Жогорку Кеңеште да каралат. Расмий түрдө өкмөткө, штабга да кат менен кайрылдым.

Компенсация төлөбөй коюу максатында да дарыгерлердин өздөрүн күнөөлөп жатышат деп кайрылгандар бар. Бизди "унчукпагыла деп, кысым жасап жатышат" деген дарыгерлер канча. Урматтуу Саламаттыкты сактоо министрлиги, ушундай оор кырдаалда так иштеңиздер! Бул маалыматтар иликтенбей калбайт.

Азыр 63 медицина кызматкери ооруну жуктуруп алган. Алар боюнча так маалымат жок. Мен тактай алган дарыгерлер менен баарлаштым", - деп жыйынтыктаган эл өкүлү билдирүүсүн.

Автор: Гүлшат Ысамамат кызы

15:22 12-04-2020

Жазылуу

Тектеш кабарлар:

16-марттан баштап Кыргыз өлкөсүндөгү бардык билим берүү мекемелери үч аптага карантинге жабылат

Өлкөгө дагы 200 мобилдик кычкылтек концентратору алып келинди

"Коронавирус туу чокусуна жеткен жок, биз ооругандардын санын жогорку ченге жеткирбей кармап калдык" дейт министрликтин өкүлү

Бразилияда коронавирустан каза болгондордун саны 10 миңге жетти. Өлкө парламенти 3 күндүк аза күтүү күнүн жарыялады

Сутка ичинде өлкөдө 6 медицина кызматкери коронавирус жуктуруп алгандыгы аныкталды

Жалал-Абад шаарында онлайн окууга 70 баланын шарты жок

Ысык-Көлдө пневмониядан 62 жаштагы дарыгер Бүбүайым Жээнбаева каза болду

Бишкек шаарына жалпысынан 120 пост коюлганы айтылды

Ухан вирусу: Дүйнөдө коронавирус инфекциясын жуктуруп алгандардын саны 44 миллионго жакындады

Сутка ичинде коронавирустан 5 бейтап каза болду

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1485 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 153 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 893 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2351 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 962 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 978 0

Архив

Комментарийлер (12)

Milduri

2020-04-12 15:36:31

Абдан туура маселени көтөрүпсүз, саламаттыкты сактоо министри компенсация төлөбөй койуштун жолун издеп аткан.

+15

Mamytovv_n

2020-04-12 16:15:46

Туура айтыпсыз саламаттыкты сактоо министри так маалымат бере албай жатат врачтар эл учун иштеп жугузуп алышыптыр сакайып кеткиле

+12

Omar.

2020-04-12 16:58:29

Кытайда коронавирустун айынан көп чиновниктер иштен кетти, силерди ошондой кылгыла, иштебесе кетсин да шалаакы глав.врач, кординаторлор. Канча адамдын, врачтардын убалына калып жатасыңар. Керек болсо мин.здрав, премьер дагы алмашсын.

+12

taalay25

2020-04-12 16:59:13

Силер озунунор жеке амбицияарды жыйыштырып койгонунарды мынчалыка жетбейт эле

madina.87

2020-04-12 17:35:41

Врачтарда жалаа жапкан чиновникти иштен айдагыла, эл үчүн кызмат кылып врачтар,өлүм менен өмүрдүн ортосунда алкыш алгандын ордуна, жалаа жабылып эки өлдү булар .

Jelezo

2020-04-12 17:58:39

Вице премьер деп баштап эл өкүлү менен аяктапсыңар баарың эле чегип же кичине татып алган окшойсуңар.

wwwbaxa

2020-04-12 23:52:39

Jelezo,вице-спикер деп турат.

sirenaaaaa

2020-04-12 18:22:29

Откондо эле кордук эле го суроттогу, байкуштардын кийими жонокой эле маска, халат болчу

Nuri1988Elim2010

2020-04-12 18:25:53

Дооматка жыкпай, туура иштешсе жакшы болмок,
Туура маселени көтөрүпсүз, аягына чейин чыгыңыз эми, алардын мээнетин баалап койсоңуздар,
Башында аларга шарт түзүп бербеген жетекчиликке күнөө

bessmertiy

2020-04-12 18:42:30

Көтөргөн маселеси туура. Бирок ошол эле врачтар карапайым адамдар ооруп барганда карабай, канчасын ыйлатышкан?

Kona8631

2020-04-13 07:37:14

Жепжутарлар эртен ушундай отношения кылсанар бардык врачтар чыкпай койсо манкаларынар агат..озунор врач болуп журбогуло кечирим сурап)))))

Arstan18.18

2020-04-13 12:12:46

Кыргызстандын келечеги коркунучтуу уйдо кысып отуруп турбасак,абал чатак болот. Орустар иштетип туруп кидала кылгандай эле кылат бул 120 кой. Шантажы башталдыго озу ажы тойго барган деп

Комментарий калтыруу үчүн өз ысымыңыз менен кириңиз же каттоодон өтүңүз.