Кубатбек Боронов: "Эпидемиянын очогунда иштеген ар бир дарыгер коргонуучу кийимдер менен камсыздалат"

Кыргыз өлкөсүндөгү эпидемиологиялык абал боюнча республикалык ыкчам штабдын жыйыны өтүп, анда биринчи вице-премьер-министр Кубатбек Боронов "тобокелдик аймагында иштеген ар бир дарыгер коргонуучу кийимдер менен толук көлөмдө камсыздалат", - деди. Бул тууралуу өкмөттүн басма сөз кызматынан билдиришти.

Жыйындын жүрүшүндө Саламаттыкты сактоо министрлигинин өлкөдөгү эпидемиологиялык абал, жарандарды тестирлөө жана коронавирус инфекциясын аныктоо боюнча жүргүзүп жаткан иштер тууралуу маалыматы угулду. COVID-19 жугузган 63 медицина кызматкерине байланыштуу Саламаттыкты сактоо министрлигине медицина кызматкерлеринин инфекцияга кабылуусуна жол бербөө үчүн бардык зарыл талаптарды аткарууну күчөтүү тапшырылды.

Вице-премьер-министр Аида Исмаилова мамлекеттик кепилдиктер программасынын алкагында медициналык-санитардык жардам көрсөтүп жаткан медицина кызматкерлеринин айлык акысын каржылоо маселеси коомдо көтөрүлүп жатканын белгиледи. Анын айтымында, Милдеттүү медициналык камсыздандыруу фондунун бюджети 16 миллиард сомду түзөт. Бүгүнкү күнү бюджет 2 миллиард 9 миллион сомго аткарылган. "Ушул жылдын биринчи кварталында медицина кызматкерлеринин ЭКК (эмгекке катышуу коэффиценти) боюнча кепилденген эмгек акысы келип түшкөн тапшырыктардын негизинде толук көлөмдө каржыланды", - деди вице-премьер.

Аида Исмаилова COVID-19 инфекциясынын жайылышына байланыштуу республикада өзгөчө кырдаал режиминин киргизилишинен улам башка мекеме, уюмдар сыяктуу эле саламаттыкты сактоо уюмдары кызматкерлеринин жарымын аралыктан иштөөгө же эмгек өргүүсүнө кетирген. Аралыктан иштеген кызматкерлер Кыргыз Республикасынын мыйзамдарына ылайык кепилденген эмгек акысын алышууда. Эмгек өргүүгө жөнөтүлгөн кызматчылар өргүү акыларын мыйзам чегинде толук көлөмдө алышты. Эмгек өргүүдө же аралыктан иштеген кызматкерлер үчүн ЭКК өлчөмү азайтылышы мүмкүн, демек, төлөмдүн көлөмү да азаят. Бул Саламаттыкты сактоо министрлигинин ченемдик документтерине негизделген, себеби ЭКК боюнча кошумча айлык акы медицина кызматкеринин ишинин жыйынтыгы боюнча төлөнөт.

Вице-премьер-министр белгилегендей, кепилденген эмгек акыны төлөгөндөн кийин кошумча айлык акы фонду түзүлөт, ал кызматкерлер ортосунда ЭКК түрүндө бөлүштүрүлөт. Кепилденген эмгек акы боюнча чыгымдардын көбөйүшүнөн мисалы, коронавирус инфекциясынын жайылышына байланыштуу нөөмөттө туруу акысынын көбөйүшүнөн улам кошумча айлык акы азаюусу мүмкүн.

Автор: Гүлжамал Абылкасымова

18:06 12-04-2020

Жазылуу

Тектеш кабарлар:

Италияда аял коронавирустан каза болгон күйөөсү менен карантинде калды

Бишкектеги "Ак-Кеме" мейманканасында обсервацияда жаткан Дубайдан келген жарандар үйлөрүнө чыгарылды

Таиландда коронавируска кабылган бейтаптарга роботтор кам көрүшүүдө

Боронов: "Демөөрчүлөрдөн түшкөн акчаны мамлекеттик кызматкерлер, депутаттар жана коомдун өкүлдөрүнөн турган атайын комиссия бөлүштүрөт"

4 айлык тыныгуудан соң. Кытайда кинотеатрлардын иштөөсүнө уруксат берилди

Бишкектен 9 дарыгер түштүк аймакка кетти. Алар бир айдан кийин үйлөрүнө кайтышат

Республикалык штаб эпидемияга каршы иш-чараларды күчөтүп, чектөө чараларын киргизүү зарылдыгын белгиледи

Бишкектеги коронавирус жуктурган 26 адам кайсы категориядагылар? Министрликтин жообу

COVID-19га каршы эмделген адам ооруга чалдыгышы мүмкүнбү? Анын кыйыр таасирлери кандай? Вакцина тууралуу маалыматтар

Анжелика жууркандан, Айпери Кубик кызы пледден "көйнөк" кийди. Инстаграмдагы популярдуу #жаздыкчелленжине кыргыз шоу өкүлдөрү да катышууда

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (6)

Omar.

2020-04-12 18:18:46

Уже 60 врач оругандан кийин, артыңардан Касмалиева сайгылагандан кийин эсиңерге келдиңерби? Ага чейин ооз бастырык кылып жаман үйрөнгөн экенсиңер

Liliia

2020-04-12 18:24:20

жалган айтпагыла ар бир медицина кызматкери өзү тигип же сатып кийип атат.Берсеңер жарымына берип аткандырсыңар көпчүлүгү өз мээнети менен таап же тигип кийип атат. Азыр сүрөт жиберип интернетке чыгарсам тааныштардын баарын куугунтуктап баштайсыңар. Ушунчалык ыйлагым келип атат ушундай кедей мамлекетте жашайбызбы? Өзүбүзгө тең көрбөгөн Өзбекстан гумжардам бергенден кийин бийликтегилер жерге кирип эле кеткилечи

rysik79

2020-04-12 18:58:07

Борош менен Абылгаазы жомокту токтотуп эле жанагы эл чогулткан акчага бир аз кошуп туруп эле кытайдын цинь-зипинден ошко 5 медсетра менен 1 врач. Бишкеке 3 медсестра менен 1 врач сурап турса уйротуп кетмек биздин даарыгерлерге. Каанчасына жуктурдунар эми.

Store

2020-04-12 19:29:51

Болбогон, жок эле жомок вирусту мынча апыртып жатасыңар, максатыңар эмне деги?))

Osh2017g

2020-04-12 20:29:09

Урматтуу Боронов карантин бутойун деп калдыго, сиз душман кеткен сон кылычынды ташка чап дегенди соз бар, дагы айыл чарба министр буудай эгебиз деп уроон сураган талап коп болуп жатат деген кечээ, ал министр буудай экен убакыт отуп кеткенин билбейби, канча окмот алмашты сиз дагы деле журосуз, оордунузду жаш бироого берип, жаштарга кеп-кенешинизди берип журсонуз кыргызтанга чон салым кошкон болтот элениз.

algakaray

2020-04-12 20:41:47

Биздин байкуш медиктерге коргоочу кийим толук жетишпегенден эле жуктуруп келишкен окшойт да. Министр озулору толук эрежелерди сактабагандан жуктуруп алып атат деп суйлоп атканын уккан элем. Кантип айтты экен уйалбай андан коро ачык эле айтпайбы жетишпейт коргоочу кийимдер деп.

Комментарий калтыруу үчүн өз ысымыңыз менен кириңиз же каттоодон өтүңүз.