Саламаттыкты сактоо министрлиги: "Бир суткада коронавирус жуктурган шаарлардан Бишкек алдыда" (видео, хронология)

2020-04-21 10:26:00

"Коронавирус жуктургандардын арасында канчасы үй-бүлөлүк медицина борборунун кызматкери, канчасы ооруканада иштеген кызматкерлер жана канчасы санитардык-эпидемиологиялык көзөмөл ишканасынын кызматкерлери?" деген суроо узатылды.

Бул боюнча министрдин орун басары: "Санитардык-эпидемиологиялык көзөмөл жана башка саламаттыкты сактоо мекемелеринде 45 кызматкер, үй-бүлөлүк медицина борборунда 31 дарыгер жана башка медицина кызматкерлери, 71 аймактык ооруканалардын кызматкерлери коронавирус жуктурганы аныкталды. Жалпы саны 147", - деген маалымат берди.

2020-04-21 10:23:00

"Кыргыз өлкөсүндө кечээ улгайгандар каза болду. Алар коронавирустан каза болгондугу кантип аныкталды?" деген суроо болду. Буга Үсөнбаев: "Ош облусунда каза болгон киши ооруканада жаткан. Анда өнөкөт оорулары бар болчу. Коронавирус жуктургандан кийин иммунитети төмөн болгон үчүн көтөрө албай калды окшойт.

Ал эми Чүй облусунда каза болгон аял боюнча, ал да көпкө чейин ооруп, өнөкөт оорулары болуп, ооруканага жаткандан баш тартып жүргөн экен. Кийинчерээк абалы оор болуп ооруканага жеткирилгенде коронавируска текшеришкен, андан вирус бар экендиги аныкталган. Аны менен байланышта болгон 5 киши да такталып, текшерүүгө алынды. Азыр алар үй карантининде, медицина кызматкерлеринин көзөмөлүндө болуп жатышат", - деген жооп узатты.

2020-04-21 10:16:00

Нурболот Үсөнбаев коомчулуктан келген суроолорго жооп берүүдө.

"Түркиядан учуп келген жарандар обсервацияга эмес, үй карантинине жөнөтүлдү дегендин чындыгы барбы?" деген суроо айтылды.

"Түркиядан келген 211 жаран "Ак-Кеме" мейманканасына жаткырылып, тесттери жакшы чыккандан кийин үй шартын карап, телефондорго көзөмөлдөө үчүн атайын тиркемелерди көчүрүп берип, анан үй карантинине жөнөттүк. Алардын арасында операциядан кийинкилер бар экен. Аларды ооруканаларга жаткырдык", - дейт орун басар.

2020-04-21 10:15:00

Медицина кызматкерлеринен 13ү ооруканадан чыгарылып, акырындап жумушуна кайтып жатат.

2020-04-21 10:07:00

Дагы 7 медицина кызматкери коронавирус жуктурганы аныкталды. Алардын ичинен:

Ош шаарында – 2;

Ош облусунда – 2;

Бишкек шаарында – 3 медицина кызматкери.

Жалпысынан республика боюнча COVID-19 диагнозу менен 147 медицина кызматкерлери катталды.

2020-04-21 10:06:00

21-апрелге карата 22 адам коронавирус жуктурганы аныкталды.

Алардын арасынан:

Бишкек шаарында – 8;
Ош облусунда – 3;
Ош шаарында – 6;
Нарын облусунда – 5;
Бейтаптардын жалпы саны 590го жетти.

2020-04-21 10:05:00

Бир суткада өлкөдө 15 бейтап айыгып, ооруканадан чыгарылды.

Алар:
Бишкек шаарында – 4;
Нарын облусунда – 1;
Ош облусунда – 4;
Ош шаарында – 6.

Республика боюнча айыгып чыккандардын жалпы саны 216га жетти.

Автор: Гүлжамал Абылкасымова

10:24 21-04-2020

Жазылуу

Тектеш кабарлар:

Улуу Британияда жаңы киргизилген карантиндик чектөөлөр 6 айга созулушу мүмкүн

+38. Таласта 1 адамдан коронавирус аныкталды

Өлкөдө коронавирустун жайылышына жол бербөө максатында 22 санитардык-карантиндик жай уюштурулду

Коронавирустун алдын алабыз! Таласта коомдук транспорттор дезинфекцияланды

Үй карантинине алынган жарандар атайын мобилдүү бригадалардын көзөмөлүндө

"Ухан вирусу": Дүйнөдө коронавирустан каза болгондордун саны 332 миңден ашты

Соңку суткада коронавирус илдети дагы 10 адамдын өмүрүн алды

COVID-19: Ош облусу да кызыл зонага кошулду

8-апрелге карата коменданттык саат учурунда 92 жаран кармалды

Менчик билим берүү уюмдарына окутуу акысынын баасын төмөндөтүү сунушталды

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (5)

color-style

2020-04-21 10:24:54

Мамлекеттин бир да козго корунукту иш жасалбагандыгы окундурот... Таза айыл шаарларды на глухо жабыш КК

Alimbek1000

2020-04-21 11:04:58

color-style, Мамлекеттин кылып аткан иштери жакпай жатса Памирге көчүп кет да наалыбай

Jaznura

2020-04-21 11:06:12

color-style,ошентип жапса элдин чыдабай турганын билбейсиңби?

robot111

2020-04-21 11:09:17

Мекендештер ушул учурда айтылган талаптарды туура кабыл алып, аткарып, тартипке баш ийели. Анткени оору жайылып кетсе чоң жоготуулар болушу мүмкүн. Өзүм билемдикке салбаш керек деген пикирдемин. Кыскасы бул жерде мыйзамды, тартипти сактап, өзүбүздү ойлоп, өзгөнү да унутпашыбыз керек. Эң биринчи эле жакындарыбыздын ден соолугун ойлойлу. Жалпы адамзатка келген сыноону сабырдуулук менен жеңишибиз керек.

admin_portal

2020-04-21 10:39:04

Adi010891, коомдук адепти сактаңыз. Порталдын дарегине карата сын-пикирлерди атайын дарекке жазылышы керек. Эскертүү!

-2

Комментарий калтыруу үчүн өз ысымыңыз менен кириңиз же каттоодон өтүңүз.