"Согуштагыдай эле абал болуп жатат. Көмгөнгө жетишпей жатабыз". 17 көр даяр турган Бишкектеги көрүстөндөрдүн учурдагы абалы (видео)

Бишкекте 2019-жылдын 1-июлунан тартып 15-июлга чейин жалпы 68 адамдын сөөгү жерге берилген. Ал эми быйыл ушул аралыкта борбор калаада 251 адам жерге берилди. Анын ичинен 86сы пневмониядан, 25и коронавирустан, калганы илдетке байланышы жок көз жумгандар. Бул тууралуу Бишкектеги ритуалдык кызмат көрсөтүү агенттиги билдирет.

Маалыматка ылайык, Ала-Тоо жана Ак-Ордо 3 конушунун ортосунда жайгашкан көрүстөндө күнүнө жок дегенде эки же үч адам жерге берилүүдө. Илдеттен каза болгондор атайын эреже менен көмүлүп, ага жакын туугандары гана катышууда. Гроздь айылында жайгашкан көрүстөндө деле абал дал ушундай. Жалпысынан шаар боюнча акыркы 3 күндө 20дан ашуун маркум көмүлдү.

SUPER.KG порталы аталган көрүстөнгө барганда ал жерде 17 көр даяр турганына күбө болду.

Бишкектеги ритуалдык кызмат көрсөтүү агенттигинин жетекчиси Аскербек Алиевдин айтымында акыркы кырдаалга ылайык агенттиктин жумушчулары күнү-түнү иштеп жатканга байланыштуу кызмат акысына бир аз тыйын кошулган. Бул баа Бишкек шаарынын мэриясы тарабынан бекитилген. Бирок көрсөтүлгөн баа менен агенттик эки гана күн иштеген.Себеби акыркы убакта вирустан каза болгондор кескин көбөйүп жаткандыгына байланыштуу оор абалды эске алып, агенттик көмүү баасын мурунку абалында калтырган.

Көр казуу кызматынын баалары:

СКЛЕП - 16040 сом;

Мусулмандар тибиндеги мүрзөнү казуу - 7511:

Мусулмандар тибиндеги балдардын мүрзөсүн казуу - 1945 сом;

Христиан тибиндеги мүрзөнү казуу - 5905 сом;

Христиан тибиндеги балдардын мүрзөсүн казуу - 973 сом.

Көрсөтүлгөн баалар көр казуу кызматы үчүн алынат да жер бекер берилет.

Белгилей кетсек, республикалык штабдын маалыматы боюнча, 15-июлга карата март айынан бери 160 бейтап коронавирустан, 571си пневмониядан каза болду.

Автор: Гүлзина Каныбекова
Фото: Айбек Алимов

10:00 16-07-2020

Жазылуу

Тектеш кабарлар:

"Эң көбү Жалал-Абадда". Өлкөдө сутка ичинде 1 жарым миңге чукул адам эмдөөдөн өттү

ЭЛДИК ВИДЕО: Ааламды каптаган илдет менен иши жок бийди "эзип" жаткан бала

Экономика тармагында коронавирустан эң көп жабыр тарткан өлкө аталды

"Бир ай бою бейтаптын өмүрү менен алыштык". Дарыгер Ноокатта коронавирустан сакайган бейтапты кантип дарылашканын айтып берди

Өткөн суткада Жалал-Абад шаарында коменданттык сааттын эрежесин 1 жаран бузду

Ысык-Көлдө вирус менен ооругандар толук айыкты. Аймактардагы стационарларда канча бейтап дарыланып жатат? (статистика)

Улуу Британияда супермаркетте иштеген кызматкер ханзаада Чарльз менен жолукканда эс-учун жоготуп жыгылды

Депутат Бакыт Төрөбаев пневмониядан айыкты. Ал Жалал-Абадга күндүзгү стационар ачып жатат

11-16-май күндөрү ЭлТРдин "Илим, билим" каналынан кетчү телесабактардын жадыбалы (5-11-класстар)

Бишкек шаарында дезинфекциялоо иштери жүргүзүлүүдө

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1485 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 153 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 893 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2351 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 962 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 978 0

Архив

Комментарийлер (11)

nurbek56

2020-07-15 20:24:03

Склеп дегенди кандай тушунсо болот? 16040.сом дейт го

KaGaH

2020-07-15 23:57:35

nurbek56,табыт

satyke

2020-07-16 11:33:53

KaGaH,Склеп табыт эмес. Табыт койула турган озунчо чакан курулуш. Табыт жерге комулбой ошол курулуштун ичине койулат.

Arstan18.18

2020-07-15 22:35:11

Тообо кылдым эй

rysik79

2020-07-15 22:36:04

120ны даяр кылып койдук дегилечи.

-4

bond0202

2020-07-15 23:19:10

мактанбай эле койбоптур.оорулуулар учун 17места даяр десенер жакшы эле.17 көр даяр деген ото эле жаман угулат экен

bond02

2020-07-16 10:16:16

Материалдык жактан жардам бергенге мумкунчулугу жок бирок билегинде кучу бар жигиттер кор казып жардам кылса 7500 сом жардам кылган болот экен.

tynara81

2020-07-16 10:33:28

Өлүү деле акча турбайбы...

tatynam_88

2020-07-16 13:57:04

Тообо кылдым,корду да акчага казат экен да э.айыл жерлерде тууган-урук,кошуна -колон эле казып,жерге беришет ко.

ainura220888

2020-07-16 22:04:10

Биздин айылда очеред менен казышат корду. Ар уйдон бир эркек. Склеп дегенине тушкнбодум гуглдан карайын десем жайнап олуктор чыгып кетбесин деп корктум

Комментарий калтыруу үчүн өз ысымыңыз менен кириңиз же каттоодон өтүңүз.