Президент: "Жалпы республиканын аймагында өзгөчө кырдаал режими сакталып, анын мөөнөтү дагы узартылат"

"Өзгөчө абал режими алып салынса да, ар бирибизден катуу тартипти сактоо, эрежелерди бекем кармануу талап кылынат", - деп бүгүн, 8-майда президент Сооронбай Жээнбеков Жеңиш күнүнө карата куттуктоосунда айтты. Бул тууралуу президенттик аппараттын басма сөз кызматынан билдиришти.

"Азыркы учурда бир тарапта коронавирус илдетинин кесепеттери, экинчи жагында экономикага тескери таасир этчү коркунучтар турат. Дүйнөнү дүрбөлөңгө түшүргөн кырсыктан элибизди аман-эсен алып чыгуу үчүн болгон күч аракетибизди жумшап жатабыз. Илдеттин жайылуусуна бөгөт коюу, жарандарыбыздын ден соолугун жана өмүрүн сактоо үчүн өзгөчө кырдаал жана өзгөчө абал режимдерин киргиздик. Мамлекеттик органдар, жергиликтүү бийлик, дарыгерлерибиз, милиция жана аскер кызматкерлери күнү-түнү эмгектенишип, калкыбыздын өмүрүн сактоо үчүн болгон аракетти жасашууда. Айыл, район, облустардын жашоочулары жеринде тартипти кармап, кирген-чыкканды көзөмөлдөп, илдетке каршы күрөштө чоң жардам беришүүдө. Жалпы элибиз кырдаалды туура түшүнүп, сабырдуулук жана жоопкерчилик менен мамлекеттик органдардын аракеттерин колдоп, талап кылынган эрежелерди сактап берди. Эми экономикабызды жандандыруу үчүн ишкерликтин айрым багыттарына уруксат берилди. Алар өз жумушун кайрадан баштады. Мындан ары бардык тармактар боюнча бизнестин ишмердигин акырындап ордуна келтирүүгө муктажбыз. Бирок адамдарыбыздын ден соолугу жана өмүрү баарынан кымбат.

Ошондуктан жалпы республиканын аймагында өзгөчө кырдаал режими сакталат, анын мөөнөтү дагы узартылат. Өзгөчө абал режими алып салынса да, ар бирибизден катуу тартипти сактоо, санитардык–гигиеналык эрежелерди бекем кармануу талап кылынат. Ишканалардын иши жанданып, карым-катыш ачылган шартта да бул талаптарды кынтыксыз аткарууга милдеттүүбүз. Коомдун саламаттыгы үчүн мамлекет жооптуу. Бирок оорунун жайылып кетүүсүнө жол бербөө үчүн мамлекет менен катар ар бир жаран да өз жоопкерчилигин сезүүгө милдеттүү. Ыктыярдуу жоопкерчилик мурдагыдан да күчтүү болушу керек. Иш берүүчүлөр жана жергиликтүү бийлик чогуу аракет кылып, зарыл чаралардын баарын аткаруусу абзел.

Коомдун, өзүбүздүн, балдарыбыздын, жакындарыбыздын ден соолугу жана өмүрү үчүн мамлекет менен чогуу ар бирибиз жоопкерчиликти моюнга ала турган учур келди. Баарыңыздарга бүгүнкүгө чейин тартипти сактап, медициналык талаптарды аткарганыңар үчүн терең ыраазычылык билдирем.

Мындан ары да бекем тартип, биримдик менен бул аракеттер улантылат", - деп айтылат президенттин куттуктоо текстинде.

Автор: Жылдыз Джускембаева

18:25 08-05-2020

Жазылуу

Тектеш кабарлар:

+235. Анын 150сү Бишкек менен Чүйдө. Таласта соңку күндө коронавирус жуктуруп алгандар жок

+603. Кайрадан эле Бишкек менен Чүйдө көп катталды

Бүгүн Орусиядан 400 Кыргыз жараны өлкөгө учуп келишет

Америкада 48 жыл чогуу өмүр сүргөн жубайлар 4 мүнөт аралыгында каза болушту

Эл башына сыноо түшкөндө элге кызмат кылам дегендер кайда?

Нарында коронавирус катталды деп жалган маалымат тараткан эки адам кармалды

Ошто куруучусу көп курулуш компаниялары убактылуу ишин токтото баштады

Медициналык бет каптар кошумча нарк салыгынан бошотулду

Өкмөттүн аппарат кызматкерлеринен коронавирус аныкталды деген маалымат чындыкка дал келбейт

Коронавирус жана пневмония илдети боюнча соңку маалымат брифингде айтылды (видео)

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2184 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 224 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1195 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2862 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1188 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1158 0

Архив

Комментарийлер (9)

Aikaaaa

2020-05-08 19:04:08

Ошондо дагы улантылат бекен? Түшүнгөн жокмун

-2

Chungyz

2020-05-08 19:06:54

Aikaaaa,озгочо абал жоюлуп ордуна кырдаал болот экен

Erik2018

2020-05-08 19:06:59

Коомдун, өзүбүздүн, балдарыбыздын, жакындарыбыздын ден соолугу жана өмүрү үчүн мамлекет менен чогуу ар бирибиз жоопкерчиликти моюнга алышыбыз керек ден соолук болсо калганы болот азыр дүйнө жүзү боюнча абал кооптуу бойдон сакталууда

+11

Aman_90

2020-05-08 19:20:11

Дуйно жузу кооптуу абалда турса дагы ар бир мамлекет оз жарандарына кам коруудо!Биздин чондордун баарына наалат,президент деле кыйратпады эч нерсени!Мигранттар эми эмне кылышыбызды билбей отурабыз((Иштейин десен иш жок,Элчиликтен жардам жок,кетип калайын десен жол жабык,акчабыз тугонду((((

nurbek11

2020-05-08 19:29:55

Aman_90, Кремльге барып Путинди уруп кел.

-10

Mamiev

2020-05-08 19:20:38

Бизде өзүнчө чечим чыгара алышпайт. Бир казакстанды туурап эми Россияны туурап дагы узартылат экен да. Көз карандысыз өлкө дегенибиз эле болбосо баары бир көз каранды экенбиз да

kamchatka

2020-05-08 20:16:14

узарт деди узартыда моонотун башка эмне кылсын эми эл ачка отурса кредитердин процентери кетип жатат айланайын президент мырза элди угунуз банктарга бир коз салып коюунуз 3 ай каникул парламентте каттуу суйлогон депутатарга гана берилбестен карапайым калкгада берисин каникул

-4

Aiziyajazi921315

2020-05-08 22:27:50

Чондордун капчыктары кампайган,курсактары ток карапайым элге эле кыйын болуп жатат,вирустан дагы элди кредиттер кунумдук тамак аш жетишсизлиги кыйнап жатат,акчанын баарын хап деп жеп коюп отурушат,ач бала ток бала мн ойнобойт деген макал биздин чондорго тиешелуу

KaGaH

2020-05-09 02:04:30

Өзгөчө кырдаалда мамлекет мойнуна алат элдин баардык төлөмдөрдүн,кредит, коммуналдык төлөмдөр ж б, көрөбүз кандай болот экен

Комментарий калтыруу үчүн өз ысымыңыз менен кириңиз же каттоодон өтүңүз.