Интернетте акула сууга түшүп жаткандар менен "ойногон" видео көпчүлүктү таң калтырды

Интернетте кит акуласы сууга түшүп жаткан адамдар менен "ойногон" видео көпчүлүктү таң калтырды. Анда окуя Индонезияда болгону айтылган. Бул тууралуу чет элдик маалымат булактары жазып чыгышты.

Маалыматка ылайык, видеодо кит акуласы сууда сүзүп жүргөн адамдардын жанына келип, алар менен "ойногону" тартылган. Анда суунун ичинде жүргөн эркек кишиге келип, ага кол сала тургандай түр көрсөткөн. Бирок акула кол салган эмес. Тескерисинче "достук мамиле" кылган.

"Бул мен үчүн эч нерсеге салыштыргыс тажрыйба болду. Алгач жаныбар мага кол салат деп ойлодум. Бирок ал абдан назиктик менен "достук мамиле" кылды", - деген сууда жүргөн адам.

Кит акуласын алаксытуу үчүн кайыктагы адамдар ага балык ыргытышкан. Ал эч кимге зыянын тийгизген эмес.

Кит акуласы - дүйнөдөгү балыктардын чоң түрүнө кирет. Алардын узундугу 12 метрге чейин жетет. Адамдарга коркунуч туудурбайт.