Японияда күчү 5 баллга жеткен жер титирөө катталып, жаракат алгандардын саны 11ге жетти

Японияда жер титирөө катталып, андан кеминде 11 адам жаракат алды. Бул тууралуу чет элдик басылмалар жазышууда.

Маалыматка ылайык, бүгүн, 4-сентябрда Япониянын Фукуи аймагында күчү 5 баллга жеткен жер титирөө катталды. Андан 11 адам ар кандай деңгээлдеги жаракаттарды алып, жергиликтүү ооруканага жеткирилген. Алардын арасында 2 жаш бала бар экендиги айтылат маалыматта. Өзгөчө кырдаалдар министрлиги аталган аймакта дагы жер титирөө катталуусу күтүлүп жатканын айтып, тургундарды сак болууга чакырган.

Автор: Сезим Жумагулова