Чүйдөгү окуучулардын уулануусу боюнча атайын топ иликтөө иштерин баштады

Чүйдүн Байтик айылындагы окуучулардын тамакка уулануусу боюнча санэпидемиологиялык изилдөө жүргүзүлөт. Бул боюнча Санитардык-эпидемиологиялык көзөмөлдөө борборунан билдирди.

Аталган факты боюнча Аламүдүн райондук санитардык-эпидемиологиялык көзөмөлдөө кызматынын кызматкерлеринин арасынан атайын топ уюштурулуп, иликтөө иштери башталды.

Алдын ала маалыматтар боюнча балдардын мөөнөтү өтүп кеткен тамактан уулануусу божомолдонууда. Изилдөөнүн жыйынтыгында толугу менен так маалымат бериле тургандыгы айтылды.

Автор: Гүлзада Абдырахманова