Бишкек-Ош унаа жолунда унаа кырсыктарын, тыгындарын алдын алуу жана болтурбоо максатында киргизилген чектөөлөр алынды. Бул тууралуу Өзгөчө кырдаалдар министрлигинен билдиришти.
Билдирүүгө ылайык, бүгүн, 17-декабрда саат 07:00дө "Сосновка" жана "Арал" постторунда коюлган убактылуу чектөө алынды.
"Бишкек-Ош унаа жолунда унаа кырсыктарын, тыгындарын алдын алуу жана болтурбоо максатында 16-декабрь күнү саат 18:00дөн тартып Жайыл районунун "Сосновка" жана Токтогул районунун "Арал" постторунда күйүүчү май ташыган оор жүк ташуучу унааларга убактылуу чектөө киргизилген" деп жазылат мекеменин маалыматында.