Эне тилге эки мүнөт: "Чаке, мындай жоон көкүрөктөрдү теске саларсыз деген үмүттөмүн". Жоон көкүрөк деген эмне?

"Эне тилге эки мүнөт" рубрикасынын бул жолку чыгарылышында фразеологизм сөздөрүнүн маанисин эл аралык Кувейт университетинин лингвистика жана социалдык гуманитардык илимдер кафедрасынын доценти Гүлнур Жамалбекова түшүндүрүп берди.

1. Жүзүн үйрүү - ачууланып, кабак кашын бүркөп, жактырбагандай түр көрсөтүү. Мисалы: Көңүлдөш жолдоштору келсе да, аларга жүзүн үйрүп, тетири карап жатып алды. (К.Укаев)

2. Колунан тизгинди алуу - бийликти алуу, бийлеп баштоо, бийлик жүргүзүү. Мисалы: Колумдан тизгинди алып, мыктыларга табакташ элиңе чегээ болорсуң. (Ш.Бейшеналиев)

3. Жоон көкүрөк - эрдемсинген, баатырсынган, мактанчаак, бой көтөрүү. Мисалы: Чаке, мындай жоон көкүрөктөрдү теске саларсыз деген үмүттөмүн. ("Чалкан")

Автор: Гүлдана Мамадали кызы