Бишкекте өрт чыккан батирдеги 3 баланы куткарган баатырлар акимчилик тарабынан сыйланды

Бишкектеги көп кабаттуу үйдөгү батирден өрт чыгып, анда 3 баланы куткарып калган калаа тургундары сыйланды.

Бишкек шаардык мэриясынын маалыматына ылайык, 17-декабрда болжол менен саат 17:30 чамасында Лев Толстой көчөсүндөгү көп кабаттуу үйлөрдүн биринин экинчи кабатындагы батирден өрт чыккан. Өрт чыккан учурда батирде 3 бала болгон, алар терезеден жардам сурап кыйкырышкан. Бул учурда көчөдөн өтүп бара жаткан Армис Дайынов менен Максат Шарапидинов аттуу жарандар жардамга келип, балдарды сыртка алып чыгышкан.

Бүгүн, 24-декабрда Ленин районунун башчысы Чынасыл Чыныбаев балдарды куткарып калган жарандарды кабыл алып, ыраазычылык кат жана китеп тапшырды.

Автор: Бактыгүл Момбекова
Фото: Бишкек мэриясынын маалымат кызматы