Орусияда жасалма айдоочулук күбөлүк менен такси айдап жүргөн Кыргыз жараны кармалды

Орусиянын Санкт-Петербург шаарында жасалма айдоочулук күбөлүк менен такси кызматында иштеп жүргөн Кыргыз жараны кармалды. Бул тууралуу аталган өлкөнүн басылмалары жазып чыкты.

Маалыматка ылайык, жол кыймылын көзөмөлдөөчү инспекторлор Приморск районундагы жол кырсыгын каттоого келип, такси айдоочусунун айдоочулук күбөлүгү шек жараткандыктан текшерүүгө алып, анын жасалма экендигин аныкташкан.

"Жасалма айдоочулук документ колдонуп жүргөн мигрантка кылмыш иши козголот. Аны жасалма документ менен жумушка алган такси кызматы жөнүндө өзүнчө сөз болот", - деп айтылат маалыматта.

Автор: Гүлзада Абдырахманова