Соңку суткада 4 медицина кызматкери коронавирус жуктуруп алды

Бир сутка ичинде өлкө боюнча 4 медицина кызматкери коронавирус жуктуруп алганы аныкталды. Бул тууралуу коронавирус менен күрөшүүгө каршы ыкчам штаб маалымат таратты.

Жуктуруп алгандардын бирөө Бишкек шаарынын, 2 жаран Чүй облусунун тургуну болсо, 1 жаран Баткен облусунун жашоочусу болгон.

Ал эми бир суткада үй карантининен 9 медкызматкер чыгарылган.

Жалпысынан республика боюнча COVID-19 диагнозу менен медицина кызматкерлеринин арасында – 4 миң 118 учур катталган. Алардын ичинен 3 миң 927 медкызматкер сакайганы маалымдалды.

Автор: Гүлшат Ысамамат кызы