Бишкек ЖЭБи техникалык жактан газга өтүүгө даяр. Бул тууралуу бүгүн, 9-январда "Электр станциялары" ишканасынан билдиришти.
Маалыматка ылайык, "Электр станциялары" ишканасы, өкмөттүн тапшырмасы менен борбордогу жылуулук борборун газга өткөрүү маселесин иштеп чыгууда. Алдын ала эсептөөлөргө караганда, бул нерсе продукциянын (жылытуу, ысык суу, электр жарыгы, буу) эки эсе кымбатташына алып келет. Ишкана Бишкек ЖЭБдин мындан кийинки тариф саясатын жүргүзүү жана газга жеңилдетилген бааны коюу үчүн мэриянын балансына өткөрүп берүүгө даяр экенин кабарлады.