Вице-премьер-министр Эльвира Сурабалдиева: "Президент жана башкаруу формасы үчүн добуш бердим"

Бүгүн, 10-январда вице-премьер-министр Эльвира Сурабалдиева кезексиз президенттик шайлоого жана референдумга келип, өз тандоосун жасады.

Маалыматка ылайык, ал №1209 участкасында добуш берген.

"Жарандык милдетимди аткардым - президент жана башкаруу формасы үчүн добуш бердим. Саат 12:00дө калктын 10% жетпеген саны шайлоого катышты. Форма-2 жок болсо, калктын добуш берүү активдүүлүгүнүн чыныгы сүрөтү көрүнүп турат. Урматтуу мекендештер, келечек ар бирөөңүздүн колунда- сиздерди кайдыгер болбой, добуш берүүгө чакырамын", - деп жазат Сурабалдиева.

Белгилей кетсек, президенттик кызматка 17 талапкер ат салышууда. Ал эми кезексиз президенттик шайлоонун жана референдумдун болжолдуу жыйынтыгы саат 21:30да чыга турганы кабарланды.