Бүгүн, 11-январда Бишкек шаарындагы "Ала-Тоо" аянтында президенттик шайлоодо атаандаштарынан алдыга озуп чыккан Садыр Жапаровдун тарапташтары концерттик иш-чара уюштурду.
Концертке белгилүү "Айкөл" тобу, ырчы Нена, Кыргыз Республикасынын Эмгек сиңирген артисти Сыймык Бейшекеев, Райхан Абдувалиева жана башка өнөр адамдары катышууда.
Сахнага чыккан Райхан Абдувалиева элдин канча жылдан бери күтүп жүргөн күнү келгенин айтат.
Иш-чарадагы алып баруучулук тизгинди куудул Назира Жетигенова, ырчы Элдос Алмаз жана актёр Өмүрбек Исраилов колго алышты.