Шашылыш билдирүү! Айрым унаа жолдорго кар көчкү түшөт

Эртең айрым унаа жолдорунда кар көчкү түшөт. Бул тууралуу ӨКМдин басма сөз кызматынан билдиришти.

"13-январдан 16-январга чейин күтүлүп жаткан жаан-чачынга байланыштуу Кыргыз өлкөсүнүн тоолуу райондорунда Ала-Бука-Каныш-Кыя унаа жолунун 68-100 чакырымдарында (Чапчыма ашуусу), Красная Горка-Ак-Таш унаа жолунун 1-4 чакырымдарында жана Ала-Бука-Каныш-Кыя-Кызыл-Адыр унаа жолунун 61-85 чакырымдарында (Каракысмак капчыгайы) кар көчкү түшүүcү жана кар күрткүсү күтүлөт. Жолдор тайгак болуп муз тоңот" - деп жазылат маалыматта.

Унаалардын ортосундагы 500 метр аралык кыймыл чектелиши зарыл экендигин билдиришти.

Автор: Гүлзина Каныбекова