Жогорку Кеңеште “Манас” эпосу жөнүндө мыйзам долбоору каралат

Кыргыз өлкөсүнүн Жогорку Кеңешинин социалдык маселелер, билим берүү, илим, маданият жана саламаттык сактоо боюнча комитети бүгүн, 18-январда “Манас” эпосу жөнүндө мыйзам долбоорун экинчи окууда карайт. Бул тууралуу парламенттин расмий сайты маалымат жарыялады.

Маалыматка ылайык, мыйзам долбоорун 40 депутат демилгелеген. Мыйзамдын максаты - эпоско байланыштуу баалуулуктарды сактоо, жайылтуу, изилдөө болуп саналат.

Мыйзам долбооруна чакырылгандар: Маданият, маалымат жана туризм министри Нуржигит Кадырбеков, Кыргыз Республикасынын Улуттук илимдер академиясынын президенти Мурат Джуматаев, Чыңгыз Айтматов атындагы Тил жана адабият институтунун директору Абдылдажан Акматалиев.

Автор: Гүлшат Ысамамат кызы