Билим берүү жана илим министри Бишкектеги мектепти күтүүсүз текшерди

Билим берүү жана илим министри Алмазбек Бейшеналиев Бишкектеги мектепти күтүүсүз текшерди. Бул тууралуу аталган министрликтин басма сөз кызматынан билдиришти.

Алмазбек Бейшеналиев онлайндан салттык окутуу режимине өткөн Бишкектеги №28 жалпы орто билим берүүчү мектеп-лицейине күтүүсүз барды.

Министр балдардын сабактарына катышып, мектептин окуу процессинин жүрүшүн жана санитардык эрежелердин сакталышын текшерди. Ошондой эле ал мектеп жетекчилигине, мугалимдерге жана пандемия шартында окуучулардын ден соолугуна кам көрүп жаткан медициналык персоналга ыраазычылык билдирди.

Автор: Жылдыз Джускембаева