"Өкмөт мыйзамды аткарбагандарга сөгүш берүү менен гана чектелип жатат" дейт депутат Бокоев

Бүгүн, 21-январда Жогорку Кеңештин жыйынында "Кыргыз Республикасынын 2019-жыл үчүн республикалык бюджетинин аткарылышы жөнүндө отчётту бекитүү тууралуу" мыйзамдын долбоору экинчи окууда каралды.

Жыйында депутат Кенжебек Бокоев 2019-жылдагы республикалык бюджеттин чыгашасы жалпы 11,7 миллиард сомго аткарылбай калганына токтолду. "Анын ичинен социалдык тармак боюнча чыгашалар 4 миллиард сомго аткарылган эмес. Бул багыттагы жасалбай калган иштердин тизмесин айтып койсоңуздар?" - деп өкмөткө кайрылды.

Финансы министри Кыялбек Мукашев социалдык багыттагы мамлекеттик милдеттүү төлөмдөр 100 пайыз аткарылганын белгилеп, бирок 4 миллиард сомдук жетишпестик тууралуу толук жооп бере алган жок.

Депутат Кенжебек Бокоев бюджетти аткара албаган кызмат адамдарына кандай чаралар колдонулганына кызыкты.

Вице-премьер-министрдин милдетин аткаруучу Эльвира Сурабалдиева: "2020-жылдын 17-декабрындагы №678 буйрукка ылайык, каржы министринин орун басары Алмазбек Азимовго катуу сөгүш, Борбордук казыначылыктын директору Марлен Амандыковго сөгүш жарыяланып, башка кызматкерлерге да чаралар көрүлгөн", - деп кошумчалады.

Бокоев: "Жөнөкөй жарандар жол эрежесин бузганы үчүн айып пул төлөп жатат. Ал эми мыйзамды аткарбагандарга өкмөт сөгүш менен гана чара колдонууда. Анда муну мыйзам катары кабыл алыштын эмне кереги бар?", - деди.

Автор: Жылдыз Джускембаева

23:20 21-01-2021

Жазылуу

РУБРИКАДАГЫ СОҢКУ КАБАРЛАР

12:51 2026-09-28 | Түркүн дүйнө

5 жаштагы кыздын зордукталышы... Өзбекстанда жаза катаалдаштырылат 33 0

12:42 2026-09-28 | Коом жана турмуш

Комузда кол ойноткон орус кызы көпчүлүктү суктандырды (видео) 78 0

12:41 2026-09-28 | Кылмыштар, кырсыктар

Ошто концертке байланыштуу алдамчылык фактысы аныкталды 97 0

12:13 2026-09-28 | Коом жана турмуш

Таласта 94 миллион сомдук автобаза мамлекетке кайтарылды 168 0

12:03 2026-09-28 | Түркүн дүйнө

Түштүк Корея Украинадан кечирим суроону талап кылды 354 0

11:59 2026-09-28 | Түркүн дүйнө

Кайрат Нуртас концертинде күйөрмандарына баштыкка катылган баалуу белек ыргытты (видео) 227 0

Архив

Комментарийлер (2)

voennyi88

2021-01-22 00:07:06

А мыйзам чыгарбагандарга кандай жаза бар?,

munar1980

2021-01-22 08:41:40

Туурай айтат Бокоев согуш деген жазаны алып эле салсаңар жакшы болмок өз жумушун аткарбагандарга жумуштан алып 5 жыл кызматка албай турган кылып кара тизмеге киргизип койсо жакшы болмок.

Комментарий калтыруу үчүн өз ысымыңыз менен кириңиз же каттоодон өтүңүз.