Айдаркенде 2020-жылы 74 кылмыштын бети ачылды

Баткен облусунун Айдаркен шаарында Шак-Шак, Айдаркен эли менен милиция кызматкерлери жолугушуу өткөрдү. Бул тууралуу Баткен ОИИБинин басма сөз кызматынан билдиришти.

Маалыматка ылайык, аталган аймакта алдамчылык, батир уурулуктары көп катталып, алардын бети ачылган.

"Кадамжай РИИБинин көчмө кабылдамасы түзүлгөн графиктин негизинде район аймагынан алыс жайгашкан айыл тургундарынын арыз-даттанууларын кабыл алат. Айдаркен аймактык милиция бөлүмчөсүндө 2020-жыл ичинде 77 кылмыш катталып, 74 кылмыштын бети ачылган", - деп жазылат маалыматта.

Автор: Гүлзина Каныбекова
Фото: Баткен ОИИБинин басма сөз кызматы