Франциянын депутаты жана миллиардер Оливье Дассо тик учак кырсыгынан каза болду

Франциянын депутаты жана миллиардер Оливье Дассо тик учак кырсыгынан каза болду. Бул тууралуу чет элдик басылмалар жазып чыгышты.

Маалыматка ылайык, миллиардер Нормандияда кырсыкка кабылган. Кырсыктан тик учактын учкучу жана миллиардер каза болгон.

Франциянын президенти Эммануэл Макрон депутаттын каза болгонун тастыктап, өзүнүн Твиттер баракчасына: "Оливье Дассо Францияны жакшы көрчү. Ал өмүрүндө эч качан өлкөбүзгө кызмат кылууну жана баалоону токтоткон эмес. Анын күтүлбөгөн өлүмү чоң жоготуу", - деп жазган Макрон.