"Каза болгондор бар". Алматы шаарындагы аэропорттун жанына АН-26 учагы кулап түштү

Бүгүн, 13-мартта коңшу Казакстандын Алматы шаарындагы аэропорттун аймагына АН-26 аскердик учагы кулап түштү. Бул тууралуу аталган өлкөнүн басылмалары жазышты.

Маалыматка ылайык, учак саат 17:20лар чамасында кулап түшкөн. Ал Нур-Султан - Алматы багыты боюнча учуп бара жаткан. Учакта жалпы 6 адам болгон жана анын төртөө окуя болгон жерден каза болуп, 2 адам ооруканага жеткирилген.

Учурда окуя болгон жерде ӨКМнын кызматкерлери иш алып барышууда. Ооруканага жеткирилген эки адамдын тең абалы өтө оор экендиги жазылат маалыматта.

Автор: Азат Бейшенбеков