Британ ханзаадасы Гарри менен жубайы Меган Маркл Netflix сервиси менен бирге тасма тарта баштайт

Netflix сервиси ханзаада Гарри жана анын жубайы Меган Марклга таандык коомдук уюм тарабынан жазылган даректүү тасманын тартуу иштерин баштайт. Бул тууралуу сервистин маалымат кызматына таянып чет элдик басылмалар жазып чыгышты.

Маалыматка ылайык, "Жеңилбес жүрөк" даректүү тасмасы 2022-жылы Гаага шаарында өтө турган "Жеңилбестердин оюну" спорттук мелдешинин катышуучулары тууралуу болот. Көрөрмандар тасмадан спортчулардын жана мелдештин уюштуруучуларынын иш-чарага кантип даярданганын көрө алышат.

Тасманы тартуу иштери менен Netflix видео кызматы, Герцог Сассекский жана "Archewell" коомдук уюмунун чыгармачыл бөлүмү алектенет. Тасманы жаратуучулардын арасында "Оскар" сыйлыгынын лауреаты болгон "Ак каска" (The White Helmets) даректүү тасмасы авторлору режиссёр Орландо фон Айзиндель жана продюсер Жоанна Натасегара да бар.

Ханзаада Гарри демилгелеген "Жеңилбестердин оюну" кайрымдуулук долбоору - ден соолугунун мүмкүнчүлүгү чектелген аскер кызматкерлерине арналган көп тармактуу спорттук иш-чара.

Автор: Самира Шарипова