Чолпон-Ата шаарында самбо боюнча Дүйнө кубогу өтөт

Ысык-Көлдө самбо боюнча Дүйнө кубогу өткөрүлөт. Бул тууралуу Дене тарбия жана спорт департаментинен билдиришти.

Маалым болгондой, иш-чара 22-23-август күндөрү Чолпон-Ата шаарындагы “Газпром-балдарга” ден соолукту чыңдоо борборунда өтөт. Анда эркектер жана кыз-келиндер арасында күжүрмөн жана спорттук самбо боюнча Дүйнө кубогу ойнотулат.

Департаменттен билдиришкендей, мелдешке 15ке жакын өлкөдөн 400дөй спортчунун катышуусу күтүлүүдө.

Чемпиондуктун алкагында төмөнкү салмак категорияларда беттештер өтөт:

Эркектер (спорттук самбо): 58, 64, 71, 79, 88, 98, 98+ килограмм;
Кыз-келиндер (спорттук самбо): 50, 54, 59, 65, 72, 80, +80 килограм;
Эркектер (күжүрмөн самбо): 58, 64, 71, 79, 88, 98, 98+ килограмм;
Кыз-келиндер (күжүрмөн самбо): 59, 65, 72 килограмм.

Белгилей кетсек, 2022-жылдын ноябрь айында Кыргызстанда биринчи жолу самбо боюнча Дүйнө чемпиондугу өткөн.

Автор: Ширин Марат кызы