Мугалимдердин маянасындагы коэффициенттер теңдештирилгени айтылды

Агартуу министри Догдуркүл Кендирбаева "Биринчи радиого" курган маегинде мугалимдердин айлык акыларындагы коэффициенттер теңдештирилгенин билдирди.

Ал буга чейин маянада предметтерге жараша айырма болгонун белгиледи.

"Айрым предметтер өзөктүү болуп эсептелет. Климаттын өзгөрүшүндө, ден соолук коопсуздугунда, илимге багытталган предметтердеги мугалимдердин аз болушуна байланыштуу аларга дем берүүчү, кошумча катары акы берилип келген",- деди министр.

Айта кетсек, өлкөдө мугалимдердин айлык акысы 1-апрелден тарта 100 пайызга жогорулатылган. Деген менен окутуучулардын эмгек акысында предметтик сабактарга жараша айырма бар экени айтылып келген.

Автор: Кылымбек Бейшеев
Фото: Интернеттен алынды