Чаткалда окуучунун өлүмүнө шектелип төрт өспүрүм кармалды

Чаткалда 15 жаштагы окуучунун өлүмүнө шектелип 4 өспүрүм кармалды. Бул тууралуу бүгүн, 19-сентябрда Жалал-Абад облустук милициясы билдирди.

Маалыматка ылайык, 18-сентябрда аймактагы Жаңы-Базар аймактык ооруканасына жетпей 15 жаштагы өспүрүм каза болгон.

Аталган факты боюнча Кылмыш-жаза кодексинин 130-беренеси боюнча кылмыш иши козголгон. Анын алкагында 15 жаштагы төрт өспүрүм шектүү катары кармалып, убактылуу кармоочу жайга киргизилген.

Тиешелүү экспертизалар дайындалып, тергөө амалдары жүргүзүлүүдө.

Автор: Айжанар Рыспек кызы
Фото: Жалал-Абад ОИИБ