Кыргызстанда сот отурумдарын онлайн көрсөтүү практикасын кеңейтүү пландалууда

Президент Садыр Жапаров Кыргызстанда электрондук сот өндүрүшүн өнүктүрүп, сот отурумдарын онлайн көрсөтүү зарылдыгын белгиледи. Бул тууралуу ал бүгүн, 21-октябрда өткөн республикалык кеңешмеде сүйлөп жатып билдирди.

Мамлекет башчысы сот отурумдарына аралыктан катышуу мүмкүнчүлүгүн кеңейтүү жана сот чечимдеринин аткарылышын жакшыртуу керектигин айтты.

Бул демилгелер сот тутумунун ачык-айкындуулугун жогорулатууга жана жарандардын сот адилеттигине жетүүсүн жеңилдетүүгө багытталган.

Автор: Үммүгүлсүн Кеңешбекова