Күлгүн-кызыл түстөгү дельфин көргөнсүзбү? Жаратылыш сырлары (видео)

Интернет желесинде күлгүн түстөгү дельфиндердин видеосу тарап жатат. Кадр Омандын борбору Маскат шаарына жакын Кантаб кум жээгинде, тагыраагы, Оман булуңунда тартылган.

Тасмадан күлгүн-кызыл түстөгү дельфиндердин кадимки кара-боз түстөгү дельфиндер менен бирге сүзүп жүрүшкөнүн көрүүгө болот. Маалыматтарга караганда, видеону 15-октябрда кайык менен эс алып жүргөндөр тартып алышкан. Бирок видео интернет желесине кийинчерээк тараган.

Бул өзгөчө дельфиндер кан айлануу көйгөйлөрүнөн же жаш курагынан улам өзгөчө түскө ээ болушу мүмкүн деген божомолдор айтылууда.