Ош. Мэр шайлоодон кийин Алмазбек Атамбаевдин сүрөтүн өрттөгөн жарандын соту өтүүдө

Бүгүн, 20-мартта Ош шаардык сотунда мэр шайлоодон кийин КРнын Президенти Алмазбек Атамбаевдин сүрөтүн өрттөгөн Абдылда Капаровдун соттук отуруму болуп жатат. Ага жарандык коомчулук, "Кыргыз-Ата" партиясынын мүчөлөрү катышууда.

Эске салсак, 15-январда Ош шаарында өткөн мэр шайлоодон кийин борбордук аянтта митинг өткөн. Анда шайлоонун жыйынтыгына нааразы болгон эл облустук администрациянын имаратына кирүүгө аракет кылган. Ошондой эле Ош облустук ички иштер башкармалыгынын мурдагы башчысы Абдылда Капаров мамлекет башчы Алмазбек Атамбаевдин сүрөтүн өрттөп жиберген. Бул боюнча кылмыш иши козголгон.

Автор: Айсана Паизова