Ысык-Көлдө төкмө акындардын республикалык айтышы орун алууда

Ысык-Көл облусунда “Ысык-Көл - манасчылардын алтын бешиги” аттуу төкмө акындардын республикалык айтышы орун алууда. Бул тууралуу 9-августта облустагы ыйгарым укуктуу өкүлдүн басма сөз катчысы билдирди.

Иш-чара 2014-жыл - Мамлекеттүүлүктү бекемдөө жылына, мамлекеттик тилдин 25 жылдыгына, төкмө акын Токтогул Сатылгановдун 150 жылдыгына, манасчы Саякбай Каралаевдин 120 жылдыгына жана Ысык-Көл облусунан чыккан белгилүү манасчылар Чоюке Өмүр уулунун 150, Кааба Атабековдун 90, Уркаш Мамбеталиевдин 80 жылдыгына карата өтүүдө.

Өлкөнүн туш тарабынан келген төкмө акындардын “Айтыш-2014” салтанаттуу иш-чарасынын ачылышында Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлү Эмилбек Каптагаев: “Мамлекеттүүлүктү бекемдөө мамлекеттин ички бүтүндүгүн, элдин ички биримдигин бекемдөөдөн башталат. Ал эми бизге улуу манасчыларыбыз аркылуу жеткен ыйык "Манас" эпосу - кыргыз эли тутка катары тутунуп, карманып келген улуу сөз, улуу баян. Анын эң башкы сабагы болгон кыргыз элинин көз карандысыздыгы - кыргыз элинин өз алдынча туу көтөрүп, өз алдынча мамлекет болуп туруу кыялы”,- деди.

Ошондой эле дастанчы, манасчы, төкмө акындардын башын бириктирип турган саамалыктын катышуучуларына ийгилик каалап, келечектеги муундарга сабак боло турган сөз өнөрүнүн мындан ары өсүшүнө тилектештигин билдирди.

Автор: Айпери Ганыжан кызы

09:58 09-08-2014

Жазылуу

РУБРИКАДАГЫ СОҢКУ КАБАРЛАР

14:49 2025-05-09 | Коом жана турмуш

ЖЫЛНААМА, 9-МАЙ: Мындан 80 жыл мурун Советтик армия Улуу Ата Мекендик согушта жеңишке жеткен 62 0

13:55 2025-05-09 | Коом жана турмуш

SUPER.KG порталы кыргыз элин Улуу Жеңиш күнү менен куттуктайт 111 0

13:52 2025-05-09 | Супер-Инфо

“Акчанын айынан ооруканага жетпей жүрөбүз” 124 0

13:47 2025-05-09 | Коом жана турмуш

Жеңишке 80 жыл: Кыргызстандыктарды бир катар өлкөлөрдүн башчылары куттукташты 126 0

13:29 2025-05-09 | Коом жана турмуш

Жеңишке 80 жыл: Оштогу “Өчпөс от” комплексине гүлчамбар коюлду 210 0

13:24 2025-05-09 | Супер-Инфо

Арина Исакова, актриса: «Жолдошум мени таң калтырып бүтпөйт...» 223 0

Архив

Комментарийлер (3)

insap

2014-08-09 10:24:26

Керемет жумуш башталыптыр. Кыргыз Төкмөлөрүндөй чечен ары Кыргыз Төкмө жана Куудулдарындай чындыкты тайбай бетке айтканер жүрөк жана акылдуу кишилер бөлөк улуттардан жолукса да "миңдин бири" дегендей ең еле сейрек жолугуп калгысы бардыр. Ылаайым Төкмө акындарыбыздын айтышы азайбастан арбысын, арышы куушурулбастан кеңирсын, оорагы ар дайым чөкпөстөн оболосун.

sagyn01

2014-08-09 10:27:13

Неге карата уюшулуп жатканын уюштуруучулар кагаз карап айтпаса оздору да унутуп калатко

nasi81

2014-08-09 12:50:57

Жакшы саамалык. Кыргыздын улуттук балуулугу болгон комузда кол ойноткон токмо акындарыбызга ийгилик гана каалайбыз. Онорунуздор оркундой берсин.

Комментарий калтыруу үчүн өз ысымыңыз менен кириңиз же каттоодон өтүңүз.