Бишкекте "Бий мелдеш" сынагында "Санжыра" жана ”Жаз” бий топтору баш байгеге ээ болушту

Жеңүүчүлөргө планшет тапшырылды.

Бөбөктөрдүн бийи калыстар тобунун купулуна толду.

"Кара жорго" бийин бийлеп чыккан сынактын кичинекей катышуучулары.

"Кара жорго" бийин бийлеп көпчүлүктү таң калтырган кичинекей Нурпери.

Бий сынактын жүрүшүнөн.

Бий сүйүүчүлөрүнүн арасында өз өнөрүн тартуулаган эң улуу айым.

Сынакка келген көрүүчүлөр да өз өнөрлөрүн тартуулашты.

Бул иш-чарага конок катары чакырылган кытайлык манасчы Жусуп Мамайдын чөбөрөсү Тургунаалы "Жалын бийин" бийледи.

Финалга чыккан "Санжыра" жана "Жаз" бий топтору өнөрлөрүн тартуулап жатышат.

"Кыз кыял" бий тобу

"Салимар" бий тобу "Кыз кыял" бий тобу менен мелдешти.

Көрүүчүлөр кыйкырып сүрөп турушту.

"Эксклюзив" бий тобу аппак кийимдери менен өзгөчөлөнүштү.

"Жаз" бий тобу кыргыздын "Талма", "Сынма" бийлерин мыкты деңгээлде аткарып беришти.

"Санжыра" бий тобу техникалык чеберчилиги менен көрүүчүлөрдүн колдоосуна арзышты.

Сынактын уюштуруучусу Самара Cагынбаева иш-чаранын максаты кыргыз бийин жайылтуу экенин белгиледи.

"Бий мелдеш" сынагынын калыстар тобу.

Иш-чаранын алып баруучусу.

Бүгүн, 18-сентябрда Бишкектеги соода борборлорунун биринде кыргыздын "Ийин бий", "Талма", "Жалын бий" жана "Шылкылдама" бийлери боюнча “Бий мелдеш” аттуу сынак өткөрүлдү. Сынакта “Санжыра”, “Жаз”, “Эксклюзив”, "Кыз кыял" жана "Салимар" бий топтору ат салышып, бийлөө техникасындагы чеберчиликтерин калыстар тобунун сынына коюшту. Алардын өнөрлөрүн БААУнун (АУЦА) өкүлү Динара Орозбаева, “We’ll be” бий тобунун бийчиси жана башкалар баалашты.

Бул иш-чарага конок катары чакырылган кытайлык манасчы Жусуп Мамайдын чөбөрөсү Тургунаалы, "Назик", “Кара жорго №1” бий топтору бийлеп беришти. Жеңүүчүлөрдү көрүүчүлөр жана калыстар аныктап, финалга чыккан “Санжыра” жана "Жаз" бий топтору биринчиликти багындырышып, баш байгеге коюлган планшеттерге ээ болушту. Ошондой эле келген көрүүчүлөрдүн арасынан чыккан бий сүйүүчүлөрү өз таланттарын тартуулашып, элдин колдоосуна арзышты.

Сынактын максаты - кыргызда “Кара жорго” бийинен сырткары "Ийин бий", "Сынма", "Талма", "Жалын бий", "Шылкылдама", "Так теке" өндүү жыйырмадан ашуун бий бар экенин элге жеткирүү менен кыргыз бий маданиятын жаштарга жайылтуу.

Автор: Динара Абдыкадырова