Бишкекте сүрөтчү Талгат Миррахимовдун 70 жылдыгына арналган жеке көргөзмөсүнүн бет ачары болду (фоторепортаж)

Сүрөтчү Талгат Миррахимов.

"Айлуу түн".

"Ысык-Көлдүн балыктары".

"Оңдогуч".

"Кечки мотив".

"Кашкар көчөсү".

Натюрморт.

"Эненин портрети".

"Чымчык кармагыч".

"Жолдо".

"София чиркөөсү".

"Балыкчы".

"Сүт сатуучу".

"Энемдин портрети".

"Хотандык килемдин аялдары"

"Ырдаган дербиш".

"Уйгур кыздары".

Иш-чарада бийчилер өнөрлөрүн тартуулашты.

Сүрөтчү Талгат Миррахимов.

Сүрөтчүгө Казакстандан келген өкүлдөр сыйлык тапшырышты.

Аземдин катышуучулары.

Бүгүн, 7-октябрда Бишкектеги Г.Айтиев атындагы Кыргыз улуттук көркөм өнөр музейинде сүрөтчү, Кыргыз маданиятына эмгек сиңирген ишмер Талгат Миррахимовдун жеке көргөзмөсүнүн ачылыш аземи болду. Көргөзмө сүрөтчүнүн 70 жылдыгына арналды. Иш-чарага Талгат Миррахимовду куттуктап келишкен Казакстан, Европа өлкөлөрүнүн өкүлдөрү, кыргыз маданият, искусство ишмерлери, сүрөтчүнүн жакындары катышты.

Көргөзмөгө акыркы беш жылда жаралган эмгектери коюлду.

Т.Миррахимов 1971-жылдан бери жыл сайын көргөзмөлөргө катышып, чет элдиктердин сүймөнчүлүгүнө ээ болуп келет. Ал жеке көргөзмөлөрү менен Жер шарынын жарымын кыдырып чыккан. “Азия калкын сүрөткө түшүргөндү жакшы көрөм. Өзүм Азия мамлекеттерин кыдырып чыктым. Бирок кыргыздын кооз жаратылышына такыр жетпейт. Азыркыга чейин суктанып бүтө элекмин. Табигатты, социалдык абалды боёк аркылуу айкалыштырып берем. Анан сулуу кыздарды тартканды жакшы көрөм, анткени алардын ажарлуу жүзү чыгармачылык эргүү берет. Натюрмортту дайыма тартам, ал боёкту байытат. Сүрөтчүлөр көп сүйлөбөгөндүктөн, оюбузду кагаз бетине түшүрүп, көрүүчүлөргө тартуулайбыз”,- деди ал.

Т.Миррахимов 1944-жылы Кытайдын Кулжа шаарында, зергердин үй-бүлөсүндө туулган. 1955-жылы Миррахимовдордун көп балалуу үй-бүлөсү Кыргыз ССРине көчүп келип, Фрунзе шаарына жакын аймакка жайгашып калган. 1968-жылы Т.Миррахимов сүрөт окуу жайын бүтүргөн. Ал көптөгөн көргөзмөлөрдүн жана сыйлыктардын ээси. Анын сүрөттөрү Г.Айтиев атындагы Кыргыз улуттук көркөм өнөр музейинде, Европа жана КМШнын музейлеринде, АКШ, Канада, Япония, Кытай, Сингапур мамлекеттеринде орун алган.

Автор: Динара Абдыкадырова
Фото: Динара Абдыкадырова