Бишкекте сүрөтчү Асатилла Тешебаевдин жеке сүрөт көргөзмөсү ачылат

"Дүйнөнү бөлүү".

Т.Касымбековдун романына ылайык тартылган "Үйлөнүү тою" аттуу чыгармасы.

"Жөргөмүш желеси".

"Толкун".

"Атчан киши".

16-октябрда Бишкектеги Г.Айтиев атындагы Улуттук көркөм өнөр музейинде сүрөтчү Асатилла Тешебаевдин “Башаттан башталган жол” аталышындагы жеке көргөзмөсүнүн бет ачар аземи болот. Бул тууралуу сүрөтчү SUPER.KG порталына билдирди.

Көргөзмөгө сүрөт чеберинин 50дөн ашык живопись, коллаж жанрындагы жана абстракционизм стилиндеги чыгармалары илинет. Мындан тышкары Т.Касымбековдун “Кел-кел” чыгармасынан алып жараткан тарыхый костюмдар орун алат. Сүрөтчү белгилегендей, бул көргөзмө менен адамдын кубанычын, көйгөйүн, сүйүүсүн, кайгысын, изденүүсүн ачып көрсөтүүнү максат кылган.

Асатилла Тешебаев 1957-жылы 19-июлда Баткен облусунун Кадамжай районуна караштуу Кара-Жыгач кыштагында туулган. Өз айылында орто мектепти бүтүргөн. 1974-1980-жылдары Бишкектеги сүрөтчүлөр окуу жайында таалим алган. 1980-1982-жылдары Кызыл-Кыя шаарында көркөм өнөр ишканасында сүрөтчү болуп иштеген. 1982-1988-жылдары Москвада Бүткүл Союздук Кинематография институтунун сүрөтчүлүк факультетинде кино сүрөтчүсү адистиги боюнча окуган. 1988-1989-жылдары “Кыргызфильм” студиясында кино сүрөтчү болуп, “Кербез” көркөм фильминде сүрөтчү-коюучу катары иштеген. 1995-жылы ЮНЕСКОнун алкагындагы Көркөм өнөр чеберлеринин федерациясына мүчөлүккө кабыл алынган. 2001-2012-жылдары Австриянын Грац шаарында жашап-эмгектенген. 2013-жылдан бери чейин Москва шаарында жашап келет. Ал Австриянын жана Орусиянын Сүрөтчүлөр союзунун мүчөсү.

Белгилей кетсек, көргөзмө 4-ноябрга чейин уланат.

Автор: Динара Абдыкадырова
Фото: Асатилла Тешебаев жана интернеттен алынды

17:13 13-10-2014

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 827 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 518 0

16:22 2025-05-09 | Супер-Инфо

Геморрой жана анын түрлөрү 549 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1801 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 641 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1188 0

Архив

Комментарийлер (1)

Ibragim864

2014-10-13 18:26:50

Асатилла акенин Москвада болуп откон сурот коргозмосу корормандардын мыкты баасына татыды.Кыргызстанда да сурот суйуучулорунун кызыгуусун артырат деп ишенебиз.Сизге ден соолук,ишинизде ийгиликтер каалайбыз.

Комментарий калтыруу үчүн өз ысымыңыз менен кириңиз же каттоодон өтүңүз.