Бишкекте дүйнө кезип жүргөн сүрөтчү Асатилла Тешебаевдин жеке көргөзмөсү ачылды

"Жеңип чыгуу".

"Кыйын кезең".

"Фантастикалык түш".

"Ар кимдин өзүнө".

"Аты жок темпера".

"Умтулуу".

"Сезимдердин чырмалышы".

Тор, фанера, жыгач, темирден жасалган эмгек.

"Жашоодогу күрөш".

"Качуу".

"Бакыт үчүн".

"Толгонуу".

"Зарыгып күтүү".

"Кыбыраган кыр ашат".

"Дүйнөнү бөлүштүрүү".

"Кубаныч".

"Жашоого кадам".

"Атчан".

"Түш".

"Тынчсыздануу".

"Өмүрдүн сызыгы".

"Кайырчы".

"Махабат".

"Бийчи".

"Токтогул".

"Мурас".

"Кайырчы".

"Эмне кылуу керек?"

"Колдоо".

"Саймачы".

"Менин уулум".

Сүрөтчү Асатилла Тешебаев.

Көргөзмөнүн ачылыш аземине келген көрүүчүлөр арбын болду.

Бүгүн, 16-октябрда Бишкектеги Г.Айтиев атындагы Көркөм өнөр музейинде сүрөтчү Асатилла Тешебаевдин жеке көргөзмөсүнүн бет ачар аземи орун алды. Иш-чарага өлкөнүн сүрөт чеберлеринин каймактары, студенттер, журналисттер катышты. Көргөзмөгө автордун абстракция жанрындагы 50дөн ашык эмгеги коюлду.

Белгилүү болгондой, А.Тешебаев - азыркы көркөм өнөрүндөгү чебер сүрөтчүлөрдүн бири. Ал тандаган башкы тема – адамзат. Сүрөтчү өз чыгармачылыгынын чордонуна азыркы коомдун социалдык-саясий жана материалдык, руханий көйгөйлөрүн коёт. Аларды адамзатка мүнөздүү сезимдер, кыжалаттануу менен туя билет. Картиналар сюжети, композициясы жана техникасы боюнча бири экинчисине окшошпойт. Бирөөсү абдан мазмундуу, зор чыңалууну пайда кылса, башкалары лирикалуу жарык маанайда. Алардын баарын адамзат турмушундагы күн сайын өзгөрүп бараткан ачуу чындык, кубулуштар бириктирип турат.

1990-жылдан тартып дүйнө кезип, эркин чыгармачылык изденүүдө жүрүп келген Асатилла Тешебаев: "Менин жеке көргөзмөлөрүм АКШ, Германия, Чехия, Орусия жана башка мамлекеттердин көргөзмө залдарында көрөрмандардын сынына коюлган. Бирок бул өзүмдүн туулуп-өскөн кыргыз жеримдеги алгачкы жеке көргөзмөм. Адамдардын жашоодогу умтулуусун, көйгөйүн, сүйүүсүн, кайгысын, изденүүсүн айткым келди",- дейт.

Белгилей кетсек, көргөзмө 4-ноябрга чейин уланат.

Автор: Динара Абдыкадырова
Фото: Динара Абдыкадырова